IPL 2019: મુંબઈ સામે જીતવા રાજસ્થાન માટે કપરા ચઢાણ, પંડ્યા-પોલાર્ડ બની શકે ગેમ ચેન્જર

IPLમાં મુંબઈ સામે રાજસ્થાનની ટક્કર

મુંબઈઃ ઈન્ડિયન પ્રીમિયર લીગ 2019ની 27મી મેચમાં રાજસ્થાનની ટીમે ટોસ જીતીને પહેલા બોલિંગનો નિર્ણય કર્યો છે. આ મેચ મુંબઈના વાનખેડે સ્ટેડિયમમાં છે. આઈપીએલમાં બંને ટીમો વચ્ચે ટક્કરની વાત કરીએ તો રેકોર્ડ લગભગ બરાબર છે. મુંબઈએ જ્યાં 10 મેચો જીતી છે તો રાજસ્થાન રોયલ્સે 8 મેચો જીતી છે. આ સીઝનમાં મુંબઈ સતત ત્રણ મેચ જીતી છે તો રાજસ્થાન માટે તસવીર ઉલટી રહી છે. ટીમ તેમને મળેલી ખાસ તકો ગુમાવી રહી છે અને આ કારણે જ તેમને છમાંથી 5 મેચોમાં હારનો સામનો કરવો પડ્યો છે. ગુરુવારે ચેન્નઈ સામે તે અંતિમ ઓવરમાં 18 રન ન ડિફેન્ડ કરી શક્યા. તો મુંબઈએ પણ રસાકસી ભરેલી મેચમાં પંજાબને હરાવ્યું.

રોહિત શર્મા પર રહેશે નજર

તે મેજમાં કાયરન પોલાર્ડની તોફાની ઈનિંગના કારણે મુંબઈએ લગભગ હારેલી મેચ જીતી લીધી. રોહિત શર્માની જગ્યાએ તે મેચમાં પોલાર્ડ કેપ્ટન હતો. આજની મેચમાં રોહિત શર્મા કમબેક કરી શકે છે. તેના આવવાથી ટીમના ટોપ ઓર્ડરને મજબૂતી મળવાની સંભાવના છે. રોહિત 5 મેચોમાં 118 રન બનાવ્યા છે અને તેની એવરેજ 23ની રહી છે.

પંડ્યા અને પોલાર્ડ હશે ગેમ ચેન્જર

આજની મેચમાં રોહિત પોતાનું ફોર્મ પાછું મેળવવા સાથે મુંબઈને સારી શરૂઆત અપાવવાનો પ્રયાસ કરી શકે છે. ઉપરાંત ક્વિન્ટન ડિ કોક, સૂર્યકુમાર યાદવ પાસેથી પણ સારી ઈનિંગની અપેક્ષા છે. મુંબઈ માટે સૌથી મજબૂતી તેમનો નીચલો બેટિંગ ક્રમ પોલાર્ડ અને હાર્દિક પંડ્યા છે. બંને ઝડપથી રન બનાવે છે. રાજસ્થાનની ટીમે આ બંનેથી બચીને રહેવું પડશે.

રાજસ્થાન રોયલ્સનું બોલિંગ આક્રમણ નબળું

રાજસ્થાનની બોલિંગમાં હજુ સુધી તે દમ જોવા નથી મળ્યો જે કોઈ ટીમ કે તોફાની બેટિંગને રોકી શકે. શ્રેયસ ગોપાલે રોયલ ચેલેન્જર્સ બેંગ્લોરના વિરુદ્ધ સારી બોલિંગ કરી હતી પરંતુ આ બાદ તેઓ ફરીથી સારું પ્રદર્શન નથી કરી શક્યા. રાજસ્થાનના બેટ્સમેનો તેમને જરૂર જીત અપાવી શકે છે. બેટિંગમાં તેમની પાસે જોસ બટલર, સંજૂ સેમસન જેવા નામ છે. રાજસ્થાનની ટીમમાં દમ છે પરંતુ તેઓ સતત સારું પ્રદર્શન કરવામાં નિષ્ફળ રહ્યા છે. કેપ્ટન અજિંક્ય રહાણે પણ કંઈ ખાસ કરી શક્યો નથી.

from Page Array – I Am Gujarat http://bit.ly/2IhX2FM