IPL: વિરાટ કોહલીએ લગાવી કેપ્ટનશિપની સેન્ચુરી

100થી વધુ મેચમાં કેપ્ટનશિપ

જયપુરઃ રોયલ ચેલેન્જર્સ બેંગલોરના કેપ્ટન વિરાટ કોહલી મંગળવારે જયપુરમાં રાજસ્થાન રોયલ સામે મેચમાં ઉતરતા જ આઈપીએલમાં 100થી વધુ મેચમાં કેપ્ટનશિપ કરનારો ત્રીજો ખેલાડી બની ગયો છે. 2011માં રોયલ ચેલેન્જર્સ બેંગ્લોરની કેપ્ટનશિપ બન્યો પરંતુ હજુ સુધી ટ્રોફી જીતી શક્યો નથી. કોહલીને 99 મેચમાંથી 44માં વિજય અને 50માં હાર મળી, બે મેચ ટાઈ અને ત્રણ મેચનું કોઈ પરિણામ આવ્યું નથી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મહેન્દ્ર સિંહ ધોની

આઈપીએલમાં 100થી વધુ મેચમાં કેપ્ટનશિપ કરનારા બે કેપ્ટનમાં મહેન્દ્ર સિંહ ધોની અને ગૌતમ ગંભીરનો સમાવેશ થાય છે. ધોનીએ આઈપીએમાં સૌથી વધુ 162 મેચમાં કેપ્ટનશિપ કરીચૂક્યો છે. જેમાંથી 148 મેચમાં ચેન્નઈ સુપર કિંગ્સના કેપ્ટન તરીકે જવાબદારી સંભાળી હતી. બાકી મેચોમાં રાઈઝિંગ પૂણે સુપર જાયન્ટની કેપ્ટનશિપ કરી હતી. ધોનીની કેપ્ટનશિપમાં 97 મેચમાં વિજય મેળવ્યો છે.

ગૌતમ ગંભીર

ભારતીય ટીમના પૂર્વ ઓપનર ગંભીરે 129 મેચમાં કેપ્ટનશિપ કરી. જેમાંથી 71 મેચમાં વિજય મેળવ્યો છે. કોલકાત્તાને બે વખત ટ્રોફી અપાવનારા ગૌતમ ગંભીરે કોલકાત્તા માટે 108 મેચમાં કેપ્ટનશિપ કરી જેમાંથી 61 મેચમાં વિજય મળ્યો.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2IeJpGH