IRCTCનું વેકેશન પેકેજ: માત્ર ₹10 હજારમાં ફરો ગોવા-હૈદરાબાદ-પુરી-કોણાર્ક અને કોલકાતા

IRCTCનું વેકેશન સ્પેશિયલ પેકેજ

IRCTCની ‘ભારત દર્શન સ્પેશિયલ ટૂરિસ્ટ ટ્રેન’ દેશના મહત્વપૂર્ણ સ્થળોએ સૌથી સસ્તા પેકેજમાં યાત્રા કરાવે છે. આ શ્રેણીમાં હવે વધુ એક ટૂર પેકેજ સામેલ થયું છે જે અંતર્ગત યાત્રીઓ દેશના ઘણા સ્થળોએ ફરી શકશે. IRCTCના આ પેકેજનું નામ VACATION SPECIAL SZBD354 છે. આ પેકેજ અંતર્ગત માત્ર 10 હજાર રૂપિયામાં તમે ઉનાળાના વેકેશનમાં આરામથી ફરી શકશો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

10,395 રૂપિયા પ્રતિ વ્યક્તિ

આ પેકેજમાં ગોવા-હૈદરાબાદ-પુરી-કોણાર્ક અને કોલકાતાના વર્લ્ડ ફેમસ ટુરિસ્ટ ડેસ્ટિનેશન પર ફરી શકશો. આ ટૂર દરમિયાન યાત્રીઓને રેલવે દ્વારા મુસાફરી કરવાની રહેશે. 20મેથી પ્રવાસ શરૂ થશે. આઈઆરસીટીસીની વેબસાઈટ પર આપેલી માહિતી મુજબ, આ ટૂર પેકેજમાં પ્રતિ વ્યક્તિ 10,395 રૂપિયાનો ખર્ચ થશે.

બોર્ડિંગ પોઈન્ટ

આ ટ્રિપનો લાભ લેવા માટે રેલવેએ યાત્રીઓને ઘણા બોર્ડિંગ અને ડીબોર્ડિંગ પોઈન્ટ આપ્યા છે. બોર્ડિગ સ્ટેશન- મુદરૈ, ત્રિવેન્દ્રમ, કોલ્લમ, કોટાયમ, એર્નાકુલમ ટાઉન, તૃશ્શૂર, શોરાનૂર જંક્શન, કોઝીકોડ, કુન્નુર અને કસરગોડ છે. ડી-બોર્ડિંગ સ્ટેશન- પલક્કડ, તૃશ્શૂર, કોટાયમ, ત્રિવેન્દ્રમ અને મદુરૈ છે.

પેકેજમાં કઈ સુવિધા મળશે?

આ ટૂરમાં મુસાફરો એસી કોચમાં મુસાફરી કરી શકશે. યાત્રા દરમિયાન શાકાહારી ભોજન પીરસવામાં આવશે. લંચ-ડિનર અને બ્રેકફાસ્ટ આપવામાં આવશે. વેજ ફૂડ ઓન બોર્ડ (બ્રેકફાસ્ટ, લંચ, ડિનર) અને ઓફ બોર્ડ કેટરિંગ (બ્રેકફાસ્ટ અને ડિનર) સામેલ છે. દરરોજ પીવાના પાણીની એક બોટલ આપવામાં આવશે.

ધ્યાને રાખવા જેવી બાબતો

યાત્રીઓ કોઈ પણ ખોટા વહેમમાં ન રહે એટલે બુકિંગ વખતે IRCTCની વેબસાઈટ ચેક કરી પ્રવાસની સંપૂર્ણ માહિતી મેળવી શકે છે. યાત્રા દરમિયાન પેકેજમાં સામેલ સ્થળો ઉપરાંત અન્ય સ્થળોએ ફરવા માગતા હો તો તેનો ખર્ચ જાતે ઉઠાવવો પડશે. IRCTC અસામાન્ય સંજોગોમાં ટૂરમાં ફેરફાર કરી શકે છે અથવા રદ કરી શકે છે.

from Page Array – I Am Gujarat http://bit.ly/2VqbEZV