આટલા સસ્તામાં શ્રીલંકાનો પ્રવાસ કરાવી રહ્યું છે IRCTC, મોકો ચૂકવા જેવો નથી

સસ્તામાં શ્રીલંકાનો પ્રવાસઃ

ભારતનો પાડોશી દેશ શ્રીલંકા સુંદરતામાં બેજોડ છે. જો તમારુ ઈન્ટરનેશનલ ટ્રિપનું સપનું હજુ સુધી પૂરુ ન થયું હોય તો IRCTCની શ્રીલંકા પેકેજની ઑફર તમારે ઝડપી લેવી જોઈએ. IRCTCનું છ દિવસના શ્રીલંકા પેકેજમાં નેગોમ્બો, કાંડી, નુવારા એલિયા અને કોલોમ્બો કવર કરવામાં આવશે. તેમાં દિલ્હીથી ઈકોનોમી ક્લાસ એર ટ્રાવેલ શામેલ કરવામાં આવ્યું છે. 31 મેથી ટ્રિપની શરૂઆત થશે.

શ્રી રામાયણ યાત્રાઃ

IRCTCના આ પેકેજનું નામ શ્રી રામાયણ યાત્રા છે. તેમાં કુલ 30 સીટ અવેલેબલ છે. પેકેજની વિગતો આ મુજબ છે.

દિવસ 1- દિલ્હીથી નેગોમ્બોની ફ્લાઈટ અને હોટેલમાં ચેક-ઈન.

દિવસ 2- હોટેલમાં બ્રેકફાસ્ટ બાદ કાંડીની મુલાકાત. ત્યાં મુન્નેશ્વરમ અને મુનાવારી મંદિરની મુલાકાત, લોકલ સાઈટસીઈંગ. હોટેલમાં ચેક-ઈન અને ડિનર.

દિવસ 3- હોટેલમાં નાસ્તો, ચેક-આઉટ અને પછી નુવારા એલિયાની મુલાકાત. સાઈટસીઈંગ અને લંચ. દિવસના બાકી ભાગમાં પોપ્યુલર સ્થાનિક સ્થળોની મુલાકાત. હોટેલમાં ચેક-ઈન અને ડિનર.

દિવસ 4- હોટેલમાં નાસ્તો અને નવારા એલિયાનું સાઈટ સીઈંગ. ત્યાર પછી ટૂરિસ્ટ્સને દિવુરુમપોલા મંદિરે લઈ જવામાં આવશે. એવું મનાય છે કે અહીં સીતાજીએ અગ્નિ પરીક્ષા આપી હતી. મહેમાનો ત્યાર બાદ લંચ લેશે અને પછી વધુ સ્થળોની મુલાકાત લેશે. ત્યાર પછી ગ્રેગરી લેકની સાંજે મુલાકાત લઈને હોટેલ પાછા ફરવાનું રહેશે.

દિવસ 5- સવારે વહેલા નાસ્તો કરી કોલંબો તરફ પ્રસ્થાન. પિન્નાવાલા પહોંચીને તમને ત્યાંનો ફેમસ શો જોવા મળશે. ત્યાર પછી લંચ અને કોલમ્બોની લોકલ સિટી ટુર. કોલંબોની હોટેલમાં ચેક ઈન.

દિવસ 6- હોટેલમાં બ્રેકફાસ્ટ અને પછી એરપોર્ટ તરફ પ્રસ્થાન. કોલંબોથી દિલ્હીની ફ્લાઈટ.

ખર્ચઃ

જો તમે એકલા જશો તો તમને ટ્રિપનો ખર્ચો રૂ. 61,600 જેટલો આવશે. બે જણ જશો તો રૂ. 47,500નો ખર્ચ થશે. ત્રણ જણમાં ખર્ચ રૂ. 46,550 જેટલો થશે. જો સાથે 2થી 11 વર્ષનું બાળક હોય તો વિથ બેડ ખર્ય રૂ. 33450 જેટલો થશે. જો એક્સ્ટ્રા બેડ ન જોઈતો હોય તો 2-11 વર્ષના બાળકનો ખર્ચ રૂ. 31500 આવશે.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2USVh8F