નવી દિલ્હી: દેશની સૌથી મોટી આઈટી સર્વિસિસ કંપની ટાટા કન્સલ્ટન્સી સર્વિસીઝ(TCS)એ શુક્રવારે ચોથા ક્વાર્ટરના સારા પરિણામથી ઉત્સાહિત થઇને કહ્યું છે નવા એક્વિઝિશન માટે તે આક્રમક મૂડમાં છે. કંપનીએ જણાવ્યું છે કે ઈન્ટેલેક્ચ્યુઅલ પ્રોપર્ટી વધારે તેવી એસેટ્સ માટે અને તેનું માર્કેટ વ્યાપક બનાવે તેવી એસેટ્સ ખરીદવા માટે તે આતુર છે.
ટીસીએસના ચીફ ઓપરેટિંગ ઓફિસર એન જી સુબ્રમણિયમે કહ્યું હતું કે, “ટીસીએસે ગયા વર્ષે બે એન્ટિટી ખરીદી હતી- W12 અને બ્રિજપોઈન્ટ ગ્રુપ. આ બંનેનું સારી રીતે ઈન્ટિગ્રેશન થઈ ગયું છે. કંપની એક્વિઝિશન માટે મુક્ત મન ધરાવે છે અને પ્રબળ ઈચ્છા ધરાવે છે. એક્વિઝિશન અને ઈન્ટિગ્રેશનમાં અમારો ટ્રેક રેકોર્ડ બેસ્ટ છે. અમે ઈન્ટેલેક્ચ્યુઅલ પ્રોપર્ટીમાં ઉમેરો કરે, માર્કેટ વિસ્તારે અને ક્લાયન્ટમાં વધારો કરે તેવી એસેટ્સની શોધમાં છીએ.”
આઈટી સેક્ટરમાં આમ તો ચારે તરફ એક્વિઝિશનનો માહોલ છે. ઈન્ફોસીસે ગયા વર્ષે કન્ઝ્યુમર ઈનસાઈટ્સ એજન્સી વોંગડૂડી 7.5 કરોડ ડોલરમાં હસ્તગત કરી હતી. વિપ્રોએ ડિસાઈનઈટ અને કૂપર જેવી ડિજિટલ સ્પેસમાં અસ્તિત્વ ધરાવતી કંપનીઓમાં રોકાણ કર્યું છે. ટીસીએસે નવેમ્બરમાં W12 સ્ટુડિયોઝને ટેકઓવર કરી હતી.
તેણે એ જ મહિનામાં અમેરિકાની મેનેજમેન્ટ કન્સલ્ટિંગ કંપની બ્રિજપોઈન્ટ ગ્રુપને ટેકઓવર કરી હતી. બજારમાં હાલ એક્વિઝિશન માટે તક કેવી છે તે અંગે પૂછાતા સુબ્રમણિયમે કહ્યું હતું કે ખાસ કરીને સ્ટાર્ટઅપ્સમાં સારા વિકલ્પો છે. ઉલ્લેખનીય છે કે ટીસીએસનો જાન્યુઆરી-માર્ચના ક્વાર્ટરમાં ચોખ્ખો નફો 17.7 ટકા વધીને ₹8162 કરોડ થયો હતો. તેની આવક 18.5 ટકા વધીને ₹38020 કરોડ થઇ હતી.
from Page Array – I Am Gujarat http://bit.ly/2IkoxhQ
No comments:
Post a Comment