કાસ્ટિંગ કાઉચ અને બોડી શેમિંગથી કંટાળી છોડી ઇન્ડસ્ટ્રી
તમને જાણીતી કોમેડી ટીવી સીરિયલ ‘ખીચડી’ તો યાદ જ હશે. તો તેમાં ચક્કીનો રોલ નિભાવનારી એક્ટ્રેસ રિચા ભદ્રા પણ યાદ જ હશે. જોકે રિચાએ હવે ટીવીની દુનિયાને કાયમ માટે અલવીદા કહી દીધું છે. તેનું કહેવું છે કે તેણે ટીવીમાં પરત આવવા પ્રયાસ કર્યા હતા પરંતુ બોડી શેમિંગ અને કાસ્ટિંગ કાઉચના કારણે હવે તેણે ટીવીની દુનિયાથી દૂર ચાલ્યા જવાનું નક્કી કર્યું છે. હવે રિચાએ લગ્ન કરી લીધા છે અને કોર્પોરેટ વર્લ્ડમાં પોતાનું કરિયર બનાવવા પ્રયાસ કરી રહી છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
હું આજકાલની છોકરી જેવી નથી
તેમણે ટાઇમ્સ ઓફ ઇન્ડિયા ડોટ કોમ સાથે વાત કરતા કહ્યું કે, ‘ખિચડી પછી બા બહૂ અને બેબી અને મિસિસ તેંડૂલકર જેવી સીરિયલ્સ ઉપરાંત ગુમરાહમાં પણ કેટલાક એપિસોડમાં કામ કર્યું છે. ટીવી પર રોમેન્ટિક સીન કે પછી એક્સપોઝ કરવા અંગે મારી ફેમિલી ક્યારેય કંફર્ટેબલ નહોતી. તો હું પણ ક્યારેય દુબળી-પાતળી નહોતી જ્યારે આજકાલ ટીવીની દુનિયામાં જેવી છોકરીઓની જરુર છે તેવી તો હું નથી જ. હું મારી ફેમિલી વિરુદ્ધ ન જઈ શકું.’
કાસ્ટિંગ ડિરેક્ટર કરતા આવી માગણી
રિચાએ કહ્યું કે, ‘મે ક્યારેય કાસ્ટિંગ કાઉચનો સામનો કર્યો નહોતો પરંતુ જ્યારે લગ્ન પછી હું ઓડિશન માટે ગઈ ત્યારે અનેકવાર મને ‘કોમ્પ્રોમાઇઝ’ કરવાનું કહેવામાં આવતું હતું. એક કાસ્ટિંગ ડિરેક્ટરે તો મને સ્પષ્ટ શબ્દોમાં તેને ખુશ કરવા માટે કહી દીધું હતું. તેણે મને હોટેલમાં મળવા માટે પણ કહ્યું હતું. આવી ઘટનાના કારણે હું અંદરથી તૂટી ચૂકી હતી. મે ચાઇલ્ડ એક્ટર તરીકે જે ઇમેજ બનાવી હતી તેને હું તોડવા માગતી નહોતી.’
હું જાડી હોઈ એક્ટિંગ ન મળે તેવું કહેવાતું
રિચાએ વધુમાં કહ્યું કે, ‘હંમેશા મને એવું કહેવામાં આવતું કે હું ખૂબ જ જાડી છું. પરંતુ જેવું છે તેવું આ મારું શરીર છે. મને જાડી છોકરીઓના રોલ જ ઓફર કરવામાં આવતા હતા પરંતુ હું નહોતી ઈચ્છતી કે મારા પર કોઈ ટેગ લાગે. મને કહેવામાં આવ્યું કે એક્ટિંગ કરવી હોય તો તમારું વજન ઓછું કરો. જ્યારે ફક્ત ઇન્ડસ્ટ્રીમાં કામ કરતા રહેવા માટે હું આવા કોઈ કોમ્પ્રોમાઈઝ કરવા તૈયાર નહોતી.’
from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2Gf2u8W
No comments:
Post a Comment