વાનરે અંતિમવિધિમાં લોકોને સાંત્વના આપી
આમ તો કહેવાય છે પ્રાણીઓમાં માણસો કરતા પણ વધારે લાગણી અને ભાવના હોય છે. તેમને એકવાર કોઈ પ્રત્યે લાગણી થઈ જાય તો વ્યક્તિ સુખી હોય કે દુઃખી ક્યારેય તેનો સાથ નથી છોડતા. આવી જ એક હ્રદયસ્પર્શી ઘટના કર્ણાટકમાં જોવા મળી જ્યારે અંતિમવિધિ દરમિયાન શોક કરનારા લોકોને દિલાસો આપવા માટે વાનર ત્યાં પહોંચ્યો. આટલું જ નહીં વાનરે મહિલાને ગળે પણ લગાવી. આ સમગ્ર ઘટના વીડિયોમાં કેદ થઈ ગઈ હતી.
રડતી મહિલાને શાંત કરવા ગળે લાગ્યો
હિન્દુસ્તાન ટાઈમ્સની રિપોર્ટ મુજબ, આ ઘટના કર્ણાટકના નાર્ગુંડની છે. અહીં 80 વર્ષની એક વૃદ્ધ મહિલાનું મૃત્યુ થવાના કારણે બધા સંબંધીઓ અંતિમવિધિ માટે એકઠા થયા હતા અને શોક કરી રહ્યા હતા. આ દરિયાન એક વાનર ઘરમાં દાખલ થાય છે અને સંબંધીઓથી થોડે દૂર જઈને થોડા સમય માટે બેસી રહે છે. આ બાદ વાનર જોરજોરથી રડી રહેલી એક મહિલા પાસે જાય છે અને તેના માથા પર હાથ મુકીને તેને ગળે લાગીને સાંત્વના આપે છે.
1 વર્ષથી દરેક અંતિમવિધિમાં શામેલ થાય છે
સ્થાનિક લોકોના કહેવા મુજબ, આવી ઘટના પહેલીવાર નથી બની, વાનર પાછલા એક વર્ષથી લોકોની અંતિમક્રિયામાં શામેલ થઈ રહ્યો છે. ગામમાં રહેતા પરમેશ્વરા નાયકે આ વાનરને અન્ય લોકોની અંતિમક્રિયામાં શામેલ થતા પણ જોયો છે. તેમના કહેવા મુજબ, મોટેથી આવતો રૂદનનો અવાજ તેનું ધ્યાન આ તરફ આકર્ષિત કરતો હોઈ શકે. તે અંતિમક્રિયામાં શામેલ થઈને લોકો એકબીજાને આપતી સાંત્વનાની નકલ કરે છે. તેઓ વધુમાં ઉમેરે છે કે, હવે અમને એવું લાગે છે કે વાનર ન આવે ત્યાં સુધી અંતિમક્રિયા અધુરી છે.
from Page Array – I Am Gujarat http://bit.ly/2VWoZpN
No comments:
Post a Comment