WhatsAppમાં આવશે નવું ફીચર, નહીં લઈ શકાય ચેટનો સ્ક્રીનશોટ

વોટ્સએપમાં આવશે નવું ફીચર

પોપ્યુલર મેસેજિંગ એપ્લિકેશન વોટ્સએપ એક એવા ફીચર પર કામ કરી રહ્યું છે જે બાદ ફિંગરપ્રિન્ટ ઓથેન્ટિકેશન ઈનેબલ થવા પર યૂઝર્સ ચેટનો સ્ક્રીનશોટ નહીં લઈ શકે. વોટ્સએપ ફિંગરપ્રિન્ટ ઓથેન્ટિકશન ફીચરને છેલ્લા ઘણા સમયથી એન્ડ્રોઈડ પર ટેસ્ટ કરી રહ્યું છે અને ટૂંક સમયમાં જ તેનું સ્ટેબલ અપડેટ રોલ આઉટ કરી શકે છે. આઈઓએસ એપમાં ફિંગરપ્રિન્ટ ફીચર પહેલાથી જ ઉપલબ્ધ છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ચેટનો સ્ક્રીનશોટ નહીં લઈ શકાય

વોટ્સએપમાં આવનારા નવા અપડેટ્સ અને ફીચર પર નજર રાખનારા WABetaInfoના રિપોર્ટ પ્રમાણે વોટ્સએપ ફિંગરપ્રિન્ટ ઓથેન્ટિકેશન ફીચરમાં એક ફંક્શન ઉમેરવાની યોજના બનાવી રહ્યું છે. જેના મદદથી યૂઝરને સ્ક્રીનશોટ્સ લેવા પર બ્લોક કરી શકાય. એકવાર તે આવ્યા બાદ અને ફિંગરપ્રિન્ટ ઓથેન્ટિકેશન ઈનેબલ થવા પર યૂઝર્સ ચેટનો સ્ક્રીનશોટ નહીં લઈ શકે.

ડેવલપમેન્ટ સ્ટેજ પર છે ફીચર

સાથે જ જે યૂઝરે ફિંગરપ્રિન્ટ ઓથેન્ટિકેશન ઈનેબલ નહીં કર્યું હોય, તે એપ પર સ્ક્રીનશોટ્સ લઈ શકશે. રિપોર્ટ પ્રમાણે આ ફીચર એન્ડ્રોઈડ બીટા અપડેટ 2.19.106 માટે ઉપલબ્ધ નથી. રિપોર્ટમાં કહેવાયું છે કે અત્યારે હાલ આ ડેવલપમેન્ટ સ્ટેજ પર છે અને ટૂંક સમયમાં જ બીટા યૂઝર્સ માટે ઉપલબ્ધ થશે.

કેવી રીતે કામ કરશે ફંક્શન?

કેટલાક યૂઝર્સનું કહેવું છે કે આ ફંક્શન કંઈ કામનું નથી કારણ કે તમે પોતે તો સ્ક્રીનશોટ લઈ શકશો નહીં પરંતુ બીજા લોકો તમારા ચેટનો સ્ક્રીનશોટ જરૂર લઈ શકશે. આ ફીચર ફિંગરપ્રિન્ટ ઓથેન્ટિકેશ ઓન થવા પર તમને તમારી જ ચેટનો સ્ક્રીનશોટ લેતા રોકશે. બાકીના યૂઝર્સ જેણે ફિંગરપ્રિન્ટ ઓથેન્ટિકેશન ઓન નથી કર્યું, તે ચેટનો સ્ક્રીનશોટ લઈ શકશે. બીજી કોઈ વ્યક્તિ તમારી ચેટનો સ્ક્રીનશોટ ન લઈ શકે, તેવો ઓપ્શન યૂઝર્સને મળશે નહીં.

ડૂડલ યૂઆઈની પણ રાહ

વર્ઝન 2.19.71થી 2.19.106માં એન્ડ્રોઈડ બીટા વર્ઝન અપડેટ કરનારા યૂઝર્સને મીડિયા શેરિંગ માટે અલગથી ઈન્ટરફેસથી મળશે. વચ્ચે ઈમોજી અને સ્ટિકર્સ માટે બે ડેડિકેટેડ ટેબ પણ હશે. આ સાથે જ ઈન્સ્ટાગ્રામની જેમ ટાઈમ, લોકેશન અને બાકીના સ્ટીકર્સ પર પણ નજર રહેશે. આ સિવાય ડાર્ક મોડ જેવા કેટલાક ફીચર્સ પર પણ વોટ્સએપ ટેસ્ટિંગ કરી રહ્યું છે.

from Page Array – I Am Gujarat http://bit.ly/2GjlvXH