હવે લેન્ડલાઇન નંબર પરથી પણ ચાલશે Whatsapp, જાણો કઈ રીતે

હવે લેન્ડલાઇન પર પણ વોટ્સએપ!

Whatsapp હાલ દુનિયાની સૌથી ફેવરિટ ઇન્સ્ટન્ટ મેસેજિંગ એપ છે. તો કંપની પણ પોતના યુઝર્સના ચેટિંગ અનુભવને વધુને વધુ રોમાંચક બનાવવા માટે થોડા થોડા દિવસે નવા નાવ ફીચર્સ એડ કરે છે. આવુ જ એક ફીચર એટલે Whatsapp Business App, કંપનીએ આ ફીચર નાના વેપારીઓને ધ્યાને રાખીને લોંચ કર્યું છે. આ ફીચર્સની સૌથી ખાસ વાત એ છે કે વેપારી પોતાના લેન્ડ લાઇન નંબરથી પણ વોટ્સએપ ઓપરેટ કરી શકે છે. તેમજ પોતાનો પર્સનલ મોબાઇલ નંબર કોઈ અજાણ્યા સાથે શેર નથી થતો. તો આવો જાણીએ આ ખાસ ફીચર્સ અંગે વધુ….

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ડાઉનલોડ કરો એપ

આ ફીચરના ઉપયોગ કરવા માટે તમારે નોર્મલ વોટ્સએપની જગ્યાએ વોટ્સએપ બિઝનેસ એપને ડાઉનલોડ કરવી પડશે.

આ રીતે કરો રજિસ્ટર્ડ

ડાઉનલોડ અને ઇન્સ્ટોલ થયા બાદ તમારા મોબાઈલ, લેપટોપ કે ટેબલેટ પર એપને ઓપન કરો.

આ રીતે એન્ટર કરો ડિટેઇલ

એપ ઓપન થઈ ગયા બાદ વોટ્સએપ તમને તમારો કંટ્રી કોડ અને ત્યાર બાદ 10 આંકડાવાળો મોબાઈલ નંબર નાખવા કહેશે. જો તમે ઇચ્છો તો અહીં પોતાનો લેન્ડ લાઇન્ડ નંબર પણ એન્ટર કરી શકો છો.

પહેલા નંબર થશે વેરિફાય

નંબર એન્ટર કર્યા બાદ વોટ્સએપ તમને કોલ અથવા મેસેજ મોકલીને તમારો નંબર વેરિફાય કરશે.

લેન્ડલાઇન પર તો મેસેજ નથી જતો

જો તમે લેન્ડલાઇન નંબર એન્ટર કર્યો છે તો તમને કોઈ વેરિફિકેશન મેસેજ મળશે નહીં કેમ કે લેન્ડલાઇન પર મેસેજ જતા નથી. એટલે પહેલા વેરિફિકેશન ફેઇલ્ડ થશે.

હવે કોલ ઓપ્શન કરો સિલેક્ટ

વેરિફિકેશન મેસેજ ફેલ થયા બાદ સ્ક્રીન પર ‘Call Me’ ઓપ્શન દેખાશે. તેના પર ટેપ કરો જે બાદ તમારા લેન્ડલાઇન પર વોટ્સએપ તરફથી વેરિફિકેશન કોલ આવશે.

તમને મળશે એક ખાસ કોડ

કોલ રિસિવ કરતા જ તમને એક ઓટોમેટિક વોઇસ મેસેજ દ્વારા 6 ડિજિટનો વિરિફિકેશન કોડ જણાવવામાં આવશે.

હવે એપમાં એન્ટર કરો કોડ

કહેવામાં આવેલા વેરિફિકેશન કોડને એપમાં એન્ટર કરો. વેરિફિકેશન પ્રક્રિયા પૂર્ણ થયા બાદ વોટ્સએપના કેટલાક જરુરી સેટિંગ્સ પૂરા કરો. જો તમે ઇચ્છો તો પ્રોફાઇલ ફોટો પણ રાખી શકો છો. આ પ્રક્રિયા પૂર્ણ થયા બાદ તમારા લેન્ડલાઇન નંબરવાળું વોટ્સએપ શરુ થઈ જશે.

from Page Array – I Am Gujarat http://bit.ly/2WOOVnl