112 કિગ્રા વજન ધરાવતા આ ડૉક્ટરે ઉતાર્યું 38 કિલોગ્રામ વજન

માત્ર 5 મહિનામાં ઉતાર્યું 38 કિલોગ્રામ વજન

ધનેશ મોટેન નામના આ 24 વર્ષીય ડૉક્ટર યુવાને માત્ર 5 મહિનામાં ઉતાર્યું 38 કિલોગ્રામ વજન. આ ડૉક્ટર યુવાને જ્યારે તેનું વજન ઉતારવાનું નક્કી કર્યું ત્યારે તેનું વજન 112 કિલોગ્રામ હતું જ્યારે અત્યારે તેનું વજન 74 કિલોગ્રામ છે. વાત જાણે એમ છે કે જ્યારે આ ડૉક્ટર યુવાને એક દર્દીને વજન ઉતારવા માટે કહ્યું ત્યારે તે દર્દીએ એવો જવાબ આપ્યો કે પહેલા તમે તમારું વજન ઉતારો. આ જવાબ સાંભળીને આ ડૉક્ટર યુવાને વજન ઉતારવાનું નક્કી કર્યું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

જાણો આ ડૉક્ટર યુવાનનો ડાયટપ્લાન

જ્યારે આ ડૉક્ટર યુવાને વજન ઉતારવાનું નક્કી કર્યું ત્યારે તે બ્રેકફાસ્ટ દરમિયાન 6 ઈંડા, કોઈ એક ફળ (સફરજન, નારંગી, તરબૂચ પૈકી કોઈ એક) અને બ્લેક કોફી પીતો હતો. જ્યારે બપોરે લંચ દરમિયાન રાજમા સાથે ડુંગળી, ટામેટા અને લીંબુ અને સાથે 250 ગ્રામ દૂધ પીતો હતો, તેમજ પીનટ બટર ખાતો હતો. જ્યારે ડિનર દરમિયાન લીલા શાકભાજી સહિત પાલકનો જ્યૂસ પીતો હતો. જ્યારે મહિનામાં એકવખત તેના મનપસંદ પનીરના પરાઠા અને ગુલાબ જાંબુ ખાતો હતો.

અઠવાડિયામાં 6 દિવસ કસરત કરતો હતો

વજન ઉતારવા માટે આ ડૉક્ટર યુવક અઠવાડિયામાં 6 દિવસ કસરત કરતો હતો. તે જણાવે છે કે માત્ર જિમમાં જવાના કારણે વજન ઉતરતું નથી પણ સાથે-સાથે ભોજનમાં નિયંત્રણ રાખવું પણ ખૂબ જ જરૂરી છે.

મારા મનગમતા કપડાં નહોતા મળતા

હું જ્યારે જાડિયો હતો ત્યારે મને મારા મનગમતા કપડાં નહોતા મળતા અને હું ચાલતી વખતે પણ હાંફી જતો હતો માટે મેં વજન ઉતારવાનું નક્કી કર્યું.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2WTYK3K