12 વર્ષનો ટેણિયો ક્રેડિટ કાર્ડ લઈ બાલીની સોલો ટ્રિપ પર ઉપડી ગયો, જાણો પછી શું થયું

12 વર્ષના ટેણિયાની સોલો ટ્રિપઃ

જી હા, તમે બરાબર જ વાંચ્યું. ઑસ્ટ્રેલિયાનો એક 12 વર્ષનો ટેણિયો સોલો ટ્રિપ પર નીકળી પડ્યો હતો. આપણા દેશમાં જ્યારે 25-27 વર્ષના યુવાનોને પણ મા-બાપ એકલા ફરવા જવાની ના પાડે છે ત્યારે ઑસ્ટ્રેલિયામાં 12 વર્ષના ટેણિયાએ પોતાની ચતુરાઈ વાપરી પોતાનાથી ઉંમરમાં ત્રણ ગણા મોટા લોકોની આંખમાં પણ ધૂળ નાંખી દીધી હતી. તેણે બધું જ જાતે પ્લાન કર્યું હતું અને તેની પાસે હતું તેના ફેમિલીનું ક્રેડિટ કાર્ડ.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

કેવી રીતે ભાગ્યો?

આ છોકરાએ ક્રેડિટ કાર્ડની મદદથી ટિકિટ બૂક કરાવી અને દાદીને પટાવીને તેનો પાસપોર્ટ લઈ લીધો. થોડા મહિના પહેલા તેની માતાએ છોકરો સ્કૂલે ન દેખાતા ગુમ થયાની પોલીસ ફરિયાદ નોંધાવી હતી. પછી જ્યારે તે બાલીમાંથી મળી આવ્યો ત્યારે ખબર પડી કે તે સોલો ટ્રિપ પર નીકળી પડ્યો હતો.

આ માટે ઉઠાવ્યું પગલુઃ

આ ટેણિયાના ફેમિલીએ બાલીમાં વેકેશન પ્લાન કર્યું હતું પરંતુ કોઈ કારણસર પ્લાન કેન્સલ થયો હતો. પછી તેણે પેરેન્ટ્સનું ક્રેડિટ કાર્ડ ચોરી કર્યું, પાસપોર્ટ લીધો અને થોડું રિસર્ચ કર્યું. તેને ખબર પડ્યું કે એક ઓસ્ટ્રેલિયન એરલાઈન માઈનર બાળકોને વેલિડ પારપોર્ટ અને આઈડી કાર્ડ હોય તો એકલા ટ્રાવેલ કરવા દે છે. તેણે સિડની એરપોર્ટથી ટ્રેન પકડી અને સેલ્ફ સર્વિસ સ્ટેશન પર પહોંચ્યો. પછી તેણે પર્થ એરપોર્ટ પરથી બાલી જવા માટે ફ્લાઈટ પકડી. બાલી પહોંચ્યા પછી તેણે બાલીની એક હોટેલમાં ચેક-ઈન કર્યું. સ્ટાફે જ્યારે તેના પેરેન્ટ્સ વિષે પૂછ્યું તો તેણે કહ્યું કે તેઓ તેની બહેનની રાહ જોઈ રહ્યા છે. આ સમાચાર મળતા છોકરાની માતા ભાંગી પડી હતી.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2w0XMGY