સાન ફ્રાન્સિસ્કો:મોન્સાન્ટોની જંગલી ઘાસનો નિકાલ કરવા માટે અનેક દેશોમાં ઉપયોગમાં લેવાતી પ્રોડક્ટ રાઉન્ડઅપ ઘણા વર્ષોથી વિવાદમાં છે અને ઘણા ગ્રાહકોએ તેનાથી કેન્સર થતું હોવાના આરોપ લગાવીને કેસ પણ કર્યા છે. કેટલાક કેસમાં કંપનીની વિરુદ્ધમાં ચુકાદા આવ્યા છે. સોમવારે કેલિફોર્નિયાની કોર્ટે આવા એક ચૂકાદામાં એક દંપતીને 2.055 અબજ ડોલર (લગભગ ₹14,000 કરોડ) ચૂકવવા કંપનીને આદેશ આપ્યો હતો.
આ પ્રોડક્ટનું ઉત્પાદન કરતી મોન્સાન્ટો એગ્રીકેમિકલ કંપની ભારપૂર્વક જણાવતી આવી છે કે, તેની ગ્લાયફોસેટ-આધારિત આ પ્રોડક્ટથી કેન્સર થતું નથી. જર્મનીની અગ્રણી કંપની બેયર AGએ ગયા વર્ષે 63 અબજ ડોલર ચૂકવીને મોન્સાન્ટોને ખરીદી હતી.
પતિ-પત્ની આલ્વા અને અલ્બર્ટા પિલિયોડે કંપનીના રાઉન્ડઅપ કેમિકલને કારણે કેન્સર થયું હોવાનો કેસ કર્યો હતો. આ કપલના વકીલોએ ચુકાદાને ઐતિહાસિક ગણાવ્યો હતો અને જણાવ્યું હતું કે, “કોર્ટે કરેલી તપાસમાં એવું નોંધ્યું હતું કે, કંપનીના ઈન્ટર્નલ ડોક્યુમેન્ટ્સને જોતાં લાગતું જ નથી કે કંપનીને આ પ્રોડક્ટ સલામત છે કે નહીં તે શોધવામાં રસ હોય. કંપનીએ નક્કર સાયન્સ પાછળ રોકાણ કરવાને સ્થાને તેના વિરોધમાં જંગી રોકાણ કર્યું હતું.”
બેયરે જણાવ્યું હતું કે, તે જ્યુરીના નિર્ણયથી નારાજ છે અને તે ચુકાદાને પડકારશે. બેયરે ગયા મહિને જાહેર કર્યું હતું કે, અમેરિકામાં રાઉન્ડઅપ પ્રોડક્ટ સામે 13,000 કેસ થયા હતા.
તાજેતરના મહિનામાં મોન્સાન્ટો સામે આ ત્રીજો સૌથી મોટો ચુકાદો છે. અગાઉ તે કેલિફોર્નિયાની સ્કૂલના માળીએ કેસ કર્યો હતો, જેમાં કંપનીને કરોડો ડોલર ચૂકવવાનો આદેશ થયો હતો અને બાદમાં અમેરિકાના એક નિવૃત્ત નાગરિકે કરેલા કેસમાં કંપનીને 8 કરોડ ડોલર (લગભગ ₹555 કરોડ) ચૂકવવાનો આદેશ થયો હતો.
from Page Array – I Am Gujarat http://bit.ly/2VmalqN
No comments:
Post a Comment