ટીવી એક્ટર કરણ ઓબેરોયને રેપ કેસમાં 14 દિવસની કસ્ટડી

રીલેશનશીપમાં હતી મહિલા

મુંબઈઃ મહિલા સાથે દુષ્કર્મ કરવાના અને ગેરકાયદેસર વસુલીના આરોપસર ટીવી એક્ટર કરણ ઓબેરોયની ધરપકડ કરવામાં આવી છે. આ કેસમાં તેને 14 દિવસ સુધી જ્યુશ્યિલ કસ્ટડીમાં રહેવું પડશે. એક ફેશન ડિઝાઈનરે કરણ પર દુષ્કર્મ કર્યાનો આરોપ લગાવ્યો છે. મુંબઈની ઓશિવારા પોલીસે કરણની ગત રવિવારે ધરપકડ કરી હતી. રીપોર્ટ અનુસાર આ મહિલા વર્ષ 2016થી કરણ સાથે રિલેશનશીપમાં હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

લગ્નનો વાયદો કરી દુષ્કર્મ

પોલીસે મહિલા સાથે દુષ્કર્મ અને વસુલીના આરોપસર કેસ નોંધી કાયદેસરના પગલાં લીધા છે. પોલીસે જણાવ્યું હતું કે, આ કેસમાં કરણે કુકર્મ સિવાય પણ કુકર્મનો વીડિયો બનાવીને મહિલા સાથે બ્લેકમેઈલિંગ કર્યું હતું. વીડિયો બનાવીને પૈસા વસુલાત પણ કરી હતી. પીડિતાએ કહ્યું હતું કે, કરણ તેમને ઘમકી આપી હતી કે, જો કે, કરણના કહ્યા પ્રમાણે નહીં કરે તો તે આ વીડિયા વાઈરલ કરી દેશે. આ પહેલા કોર્ટે કરણને તા. 9 મેના રોજ પોલીસ કસ્ટડીમાં રહેવા સજા ફટકારી હતી. ગત વર્ષે કરણ સામે મહિલાએ ફરિયાદ નોંધાવી હતી.

કોર્ટમાં રડવા લાગ્યો કરણ

આ પહેલા સોમવારે અંધેરી કોર્ટમાં ચાલી રહેલી સુનાવણી દરમિયાન કરણ ઓબેરોય રડવા લાગ્યો હતો. બીજી તરફ તેમના મિત્રોએ તેની તરફેણમાં પત્રકાર પરિષદ યોજી હતી. જેમાં તેની બેન ગુરબાણી ઓબેરોય, પૂજા બેદી, બેન્ડ ઓફ બોય્ઝના સુધાંશુ પાંડેય, શેરિન વર્ગીશ, ચૈતન્ય ભોસલે અને સિદ્ધાર્થ હલ્દીપુર પણ ત્યાં હાજર રહ્યા હતા. તેમના સમર્થકોએ કહ્યું હતું કે, અંગત અદાવતમાં ખુન્નસમાં આવીને મહિલાએ આરોપ લગાવ્યા હતા.

કરણ એક સારો છોકરો

ઝુમ ટીવીને આપેલા એક ઈન્ટરવ્યૂમાં પૂજાએ કહ્યું હતું કે, કરણ ખૂબ સારો છોકરો છે. તેના મિત્ર વર્તુળમાં પણ તે ખૂબ જ સારી વર્તણૂંક માટે જોણીતો છે. ગત વર્ષે મહિલાએ પોલીસ ફરિયાદ કરી હતી. કરણે ‘જસ્સી જૈસી કોઈ નહી’, ‘સાયા’ અને ‘દિશાએ’ જેવી સિરિયલમાં કામ કર્યું છે.

 

from TV News in Gujarati, Tellywood News in Gujarati, ટેલિવિઝડ ન્યૂઝ ગુજરાતીમાં, Latest Tellywood News – Page Array – I Am Gujarat http://bit.ly/2JaJ1dh