આવી ગયું નવું ઈ-સ્કૂટર, મળશે ₹18 હજારની સબસિડી

કંપનીએ લોન્ચ કર્યું નવું ઈલેક્ટ્રિક સ્કૂટર

નવી દિલ્હીઃ એન્જિનિયરિંગ ક્ષેત્રનની મોટી કંપની Greaves Cottonએ હાઈ-સ્પીડ ઈલેક્ટ્રિક સ્કૂટર Ampere Zeal લોન્ચ કર્યું છે. કંપનીએ કહ્યું કે ફેમ-2 યોજના હેઠળ આ સ્કૂટર પર 18 હજારની સબસિડી મળશે. એટલા માટે આ ઈલેક્ટ્રિક સ્કૂટર ભારતીયો માટે સારો વિકલ્પ રહેશે. સબસિડી બાદ આ હાઈ-સ્પીડ ઈલેક્ટ્રિક સ્કૂટરની કિંમત 66 હજાર રૂપિયામાં પડશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એક વખત ચાર્જ કર્યા બાદ ચાલશે 75 કિમી

એમ્પિયર ઝીલની ટોપ સ્પીડ 55 કિમી પ્રતિ કલાક છે. એક વખત ફૂલ ચાર્જ કર્યા બાદ આ ઈલેક્ટ્રિક સ્કૂટર 75 કિમીનું અંતર કાપી શકશે. તેને ફૂલ ચાર્જ કરવામાં 5.5 કલાકનો સમય લાગે છે. સ્કૂટર પર આપવામાં આવેલા બોડી ગ્રાફિક્સ અને એલઈડી હેડલાઈટ્સ તેના લૂકને એટ્રેક્ટિવ બનાવે છે.

એન્ટી થેફ્ટ એલાર્મની સુવિધા

ઝીલ ઈલેક્ટ્રિક સ્કૂટરમાં ડ્યૂલ સ્પીડ મોડ (ઈકોનોમી અને પાવર) આપવામાં આવ્યા છે. જેમાં પાવરફુલ અક્સેલરેશન છે. કંપનીનો દાવો છે કે સ્કૂટર 14 સેકન્ડમાં 0 થી 50 કિલોમીટર પ્રતિ કલાકની ઝડપ પકડી શકે છે. સ્કૂટરમાં એન્ટી થેફ્ટ એલાર્મ આપવામાં આવ્યું છે. સ્કૂટર પાંચ કલર ઓપ્શનમાં ઉપલબ્ધ છે.

એકથી ત્રણ વર્ષ સુધીની વોરંટી

ઝીલ સ્કૂટરને એમ્પિયર વ્હીકલે બનાવ્યું છે. જે ગ્રિવ્સ કોટનની સહાયક કંપની છે. તેના અન્ય ઓછી સ્પીડ અને ઓછી કિંમતના સ્કૂટર પણ માર્કેટમાં ઉપલબ્ધ છે. એમ્પિયરના ઈલેક્ટ્રિક વ્હિકલમાં એકથી ત્રણ વર્ષ સુધીની વોરંટી આપવામાં આવે છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2ECAsUT