20 વર્ષની અનન્યાને લાગ્યો એક્ટિંગનો ચસ્કો, ભણવાનું છોડી દેશે

અનન્યા ભણવાનું પડતું મૂકશેઃ

ફિલ્મ સ્ટુડન્ટ ઑફ ધ યર 2થી બૉલિવુડમાં ડેબ્યુ કરનારી અનન્યા પાંડે હવે ભણવાનું પડતું મૂકશે. તેના પિતા ચંકી પાંડેએ તાજેતરમાં જ એક ઈન્ટરવ્યુમાં આ વાતનો ખુલાસો કર્યો હતો. તેમણે કહ્યું કે અનન્યા અત્યારે તેના એક્ટિંગ કરિયર પર ફોકસ કરી રહી છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

આ છે વિવાદઃ

ઉલ્લેખનીય છે કે અનન્યાના ભણતરને લઈને એક પોસ્ટ વાયરલ થઈ રહી છે જેમાં ચર્ચા છે કે અનન્યાએ તેને વિદેશી યુનિવર્સિટીમાં એડમિશન મળ્યું હોવાની ખોટી વાત ફેલાવી હતી. અનન્યાએ કહ્યું હતું કે ફિલ્મમાં રોલ મળવાને કારણે તે વિદેશી યુનિવર્સિટીમાં ભણવા નથી ગઈ પરંતુ તેની સાથે ભણતા વિદ્યાર્થીઓનું કહેવું છે કે અનન્યાને એડમિશન મળ્યું જ નથી.

પિતાએ જ કર્યો ખુલાસોઃ

ચંકી પાંડેએ આ દાવા ખોટા પાડતા કહ્યું હતું, “અનન્યાનું બે યુનિવર્સિટીમાં એડમિશન થઈ ગયું હતું પરંતુ તેને ફિલ્મો કરવી છે એટલે તે નથી ગઈ. મને નથી લાગતુ કે તે હવે યુનિવર્સિટી જશે, તે હવે બોલિવુડમાં કામ કરશે.”

દીકરી પર ગર્વ છેઃ

ચંકીએ એમ પણ જણાવ્યું હતું કે, “મને તેના પર ખૂબ જ ગર્વ છે. તેણે સારુ કામ કર્યું છે. મને ડર હતો કે તે પરફોર્મ કરી શકશે કે કેમ, પણ તેણે સારુ કામ કર્યું છે. તે ઘણી હોંશિયાર છે અને તેણે હજુ લાંબી મજલ ખેડવાની બાકી છે.”

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2W3S4Pv