એક્ટ્રેસે ફેરનેસ ક્રીમની 2 કરોડની ઑફર ઠુકરાવી, જાણો કારણ

સાઈ પલ્લવીએ 2 કરોડની ફેરનેસ એડ ઠુકરાવી

સાઉથની એક્ટ્રેસ સાઈ પલ્લવી હાલ ચર્ચામાં છે. આ ચર્ચાનું કારણ એ છે કે, તેણે ફેરનેસ ક્રીમની 2 કરોડ રૂપિયાની ઑફર ઠુકરાવી, તેની એડ કરવાની ના પાડી દીધી છે. સાઈ પલ્લવીએ તાજેતરમાં જ આપેલા એક ઈન્ટરવ્યુમાં આ વાતનો સ્વીકાર કર્યો કે, તેણે ફેરનેસ ક્રીમની એડ માટેની 2 કરોડ રૂપિયાની ઑફર ઠુકરાવી દીધી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ કારણે ન કરી એડ

તેણે કહ્યું કે, તે ભારતીય છે અને તેનો રંગ યોગ્ય છે. આની સાથે જ તેણે કહ્યું કે, આ પ્રકારની જાહેરાતો લોકોને અને ખાસ કરીને મહિલાઓને ખોટા મેસેજ આપે છે, એટલે તે આવી કોઈ એડ કેમ્પેઈનમાં ભાગ લેવા માગતી નથી.

ફળ-શાકભાજીથી ટકાવે છે સુંદરતા

આ ઉપરાંત સાઈ પલ્લવીએ જણાવ્યું કે, મારી બહેન પૂજા, અવાર-નવાર ચીઝ બર્ગર ખાતી રહે છે અને તેને હંમેશા ફરિયાદ રહે છે કે, તે મારા જેટલી ગોરી નથી. અમે બંને જ્યારે પણ અરિસા સામે ઊભા રહીએ ત્યારે તે મારી તરફ જોઈ પોતાના ચહેરાની સરખામણી કરે છે. મેં તેને કહ્યં કે, જો સુંદર દેખાવું હોય તો ફળ અને શાકભાજી ખા. એક્ટ્રેસે જણાવ્યું કે, મારી બહેનને ફળ અને શાકભાજી પસંદ નથી પણ છતાં તે ખાય છે, કારણ કે તેને ગોરું થવું છે. આ જાણીને મને ખૂબ ખરાબ લાગ્યું.

વધુ મેકઅપ કરવામાં નથી માનતી

સાઈ પલ્લવીએ જણાવ્યું કે, આવી એડથી મળનારા રૂપિયયાનું મારા માટે કોઈ મહત્વન નથી. સાઈ પલ્લવી માટે કહેવામાં આવે છે કે, તે મેકઅપ કરવામાં વિશ્વાસ નથી રાખતી અને પોતાનો ચહેરો જેવો છે તેવો જ રહેવા દે છે.

‘પ્રેમમ’, ‘કાલી’થી ફેન્સના દિલમાં બનાવ્યું સ્થાન

જણાવી દઈએ કે, સાઈ પલ્લવીએ બહુ ઓછા સમયમાં જ ઈન્ડસ્ટ્રીમાં પોતાનું સ્થાન બનાવી લીધું છે. ફિલ્મ ‘પ્રેમમ’થી ડેબ્યૂ કરનારી સાઈ હંમેશાં સાર્થક રોલ જોઈને ફિલ્મોની પસંદગી કરે છે. એક્ટ્રેસને સમીર-તાહિરની ફિલ્મ ‘કાલી’માં લોકોએ ખૂબ પસંદ કરી હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2wpB6R2