‘કસૌટી ઝિંદગી કી 2’ના સેટ પર આ એક્ટ્રેસે હિના ખાનને મારી થપ્પડ 😲😧

‘કસૌટી ઝિંદગી કી’ના સેટ પર બની ઘટના

સ્ટાર પ્લસની પોપ્યુલર સીરિયલ ‘કસૌટી ઝિંદગી કી 2’ના કો-સ્ટારને લઈને મોટા સમાચાર સામે આવ્યા છે. શોમાં સૌથી વધારે ચર્ચામાં રહેનારી કોમોલિકા એટલે કે હિના ખાન સાથે સેટ પર કંઈક એવું થયું કે બે મિનિટ માટે તો તેને પણ આઘાત લાગ્યો, કે આ તેની સાથે આ શું બની ગયું.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શુભાવી ચોક્સીએ હિનાને મારી થપ્પડ

શોમાં હિના ખાનને ઘરમાંથી બહાર કાઢવાનો સીન શૂટ થઈ રહ્યો હતો. આ સીન શૂટ કરતી વખતે કોમોલિકાની સાસુ મા એટલે કે શુભાવી ચોક્સીને તેને થપ્પડ મારવાની હતી. પરંતુ શુભાવી એક્ટિંગ કરવામાં એટલી મશગુલ થઈ ગઈ કે તેની થપ્પડ અસલીમાં હિના ખાનને વાગી. આ થપ્પડ એટલી જોરદાર હતી કે હિના ખાનના ગાલ પર તેના નિશાન પણ પડી ગયા હતા.

શુભાવીએ હિના ખાનની માફી માગી

થપ્પડ જોરથી વાગી હોવાનું ધ્યાન જતાં શુભાવીએ હિના ખાનની માફી માગી હતી. તેણે કેટલીયવાર હિના ખાનને ગ્રીટિંગ્સ અને ફૂલ આપીને માફ કરી દેવા માટે કહ્યું હતું. શુભાવીએ વારંવાર માફી માગતા હિના ખાને પોતાના ઈન્સ્ટાગ્રામ પર એક વીડિયો શેર કર્યો હતો.

હિના ખાને શું કહ્યું?

વીડિયોમાં હિના ખાને કહ્યું કે, ‘તેણે આ ઈરાદાપૂર્વક નહોતું કર્યું. શુભાવીએ કેટલીયવાર મારી માફી માગી, જેની જરૂર બિલકુલ નહોતી. આ ભૂલથી થયું હતું, શુભાવીને જ્યારે તેની ભૂલ સમજાઈ કે તરત જ તેણે મને હગ કર્યું હતું અને સોરી કહ્યું હતું. શુભાવી બધુ બરાબર છે. તમારે મને વારંવાર સોરી કહેવાની જરૂર નથી. હું ઠીક છું’.

‘હિના ખાન સારી છોકરી છે’

તો આ અંગે વાત કરતા શુભાવીએ કહ્યું કે, ‘મેં હિનાને કહ્યું કે મારાથી ભૂલ થઈ ગઈ છે. હિના એક સારી છોકરી છે, તેણે મને શાંત રહેવા કહ્યું. મને હિનાએ કહ્યું કે આ શૂટ પર થયું હતું અને આ વિશે આપણે હવે વાત નહીં કરીએ. આ બાદ મારે હિના ખાન સાથે શૂટ કરવાનું થયું નથી પરંતુ જ્યારે પણ હું તેને મળીશ ત્યારે ફરી સોરી કહીશ’.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2VHFn0i