કન્ફર્મ : આ તારીખે રિલીઝ થશે રિતિકની ‘સુપર 30’

આવી ગઈ રિતિકની ‘સુપર 30’ની રિલીઝ ડેટ

આખરે એક્ટર રિતિક રોશનની મોસ્ટ અવેટેડ ફિલ્મ ‘સુપર 30’ના નિર્માતાઓએ તેની રિલીઝ ડેટ જાહેર કરી દીધી છે. ફિલ્મ હવે 12 જુલાઈના રોજ થિએટર્સમાં રિલીઝ થશે. જણાવી દઈએ આ ફિલ્મ હવે સિદ્ધાર્થ મલ્હોત્રા અને પરિણીતિ ચોપરાની ‘જબારિયા જોડી’ સાથે ટકરાશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કેન્સલ કરી દેવાઈ હતી રિલીઝ તારીખ

આ મહિનાની શરૂઆતમાં હૃતિકે કહ્યું હતું કે, તે કોઈ વિવાદમાં પડવા માગતો નથી એટલે તેણે ફિલ્મની રિલીઝ ડેટ આગળ વધારી દીધી છે. તેણે એમ પણ કહ્યું હતું કે, તેણે કોઈપણ પ્રકારના પર્સનલ ટ્રૉમા અને માનસિક હિંસાથી બચવા માટે આ પગલું ભર્યું છે.

કંગનાની ‘મેન્ટલ હૈ ક્યા’ સાથે થતી હતી ટક્કર

જોકે, તેણે પોસ્ટમાં એ નહોતું જણાવ્યું કે, તેની ફિલ્મ ક્યારે રિલીઝ થશે. રિતિકના આ નિવેદનની પહેલા કંગના રનોટની ફિલ્મ ‘મેન્ટલ હૈ ક્યા’ની રિલીઝ ડેટ આગળ વધારી 26 જુલાઈ કરી દેવાઈ હતી. પહેલા ‘સુપર 30’ પણ 26 જુલાઈના રોજ રિલીઝ થવાની હતી. એક જ દિવસે બંને ફિલ્મો રિલીઝ થવાને કારણે થોડા દિવસોથી તેના પર વિવાદ ચાલી રહ્યો હતો.

આનંદ કુમારની લાઈફ પર આધારિત છે ‘સુપર 30’

જણાવી દઈએ કે, ‘સુપર 30’ જાણીતા ગણિતજ્ઞ આનંદ કુમારની જિંદગી પર આધારિત છે જે ગરીબ બાળકોને પટનામાં IIT એન્ટ્રન્સ એક્ઝામની મફત ટ્રેનિંગ આપવા માટે જાણીતા બન્યા હતા. ફિલ્મમાં રિતિક ઉપરાંત મૃણાલ ઠાકુર, અમિત સાધ અને નંદીશ સંધુ જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2W69MX9