આ વખતે ગુજરાતમાં ચોમાસું નબળું રહેશે? 5 થી 8 આની વરસાદની શક્યતા!!

શરુઆતનું ચોમાસુ નબળું રહેશે

અમદાવાદ: આ વખતે ગુજરાતમાં જળસંકટ ઘેરું બન્યું છે ત્યારે વરસાદ પણ ખેંચાય તેવો વર્તારો છે. સામાન્ય રીતે રાજ્યમાં 15 જુન પછી ચોમાસું શરુ થઈ જતું હોય છે, પરંતુ ગ્રહો-નક્ષત્રોની ચાલ, વનસ્પતીના લક્ષણો અને ભડલીવાક્યોના આધારે એવો વર્તારો કરવામાં આવ્યો છે કે આ વર્ષે 20 જુલાઈ પહેલા વરસાદ શરુ થવાના અણસાર ઓછા છે.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

15 જુલાઈથી વરસાદ શરુ થશે

હવામાન ખાતાની આગાહી ઉપરાંત, જાણકારો ભડલીવાક્યો, વનસ્પતીના લક્ષણો, ગ્રહો અને નક્ષત્રોની યુતિના આધારે પણ વરસાદ કેવો રહેશે તેવો વર્તારો કરતા હોય છે. આ વખતના વરસાદ અંગે આ જાણકારોનું માનવું છે કે, ગુજરાતમાં આ વખતે વરસાદ ખેંચાશે. 15 જુલાઈથી રાજ્યમાં ઠીકઠાક કહેવાય તેવો વરસાદ થઈ શકે છે. છેક 15મી સપ્ટેમ્બર બાદ જ સૌરાષ્ટ્ર તેમજ ગુજરાતના વિવિધ ભાગોમાં સારા વરસાદના યોગ છે.

કચ્છમાં સારો વરસાદ થવાના એંધાણ

આ વર્ષે ગુજરાતમાં 5 થી 8 આની વરસાદ થવાની આગાહી કરતા જાણકારોએ કહ્યું છે કે, આ વર્ષે દેશના કેટલાક ભાગોમાં અતિવૃષ્ટિ થશે, તો કેટલાક ભાગોમાં અલ્પવૃષ્ટિના યોગ છે. કચ્છમાં આ વખતે સારો વરસાદ થવાના એંધાણ છે, પરંતુ સૌરાષ્ટ્ર અને ઉત્તર ગુજરાતમાં મધ્યમ વરસાદ થઈ શકે છે. સૂર્ય-મંગળની યુતિના અંગારક યોગ હોવાથી આ વખતે ચોમાસુ ખેંચાશે, પરંતુ ભાદરવામાં વરસાદ મન મૂકીને વરસી શકે છે.

ઓક્ટોબરે વિદાય લેશે ચોમાસુ

ઓક્ટોબર મહિનાથી વરસાદ વિદાય લેશે તેવી શક્યતા વ્યક્ત કરતા જાણકારોએ જણાવ્યું છે કે, વાવણીલાયક વરસાદના યોગ આ વખતે ઓછા છે. ગુજરાતમાં આ વખતે વરસાદની માત્રા 40-50 ટકા જેટલી રહી શકે છે. ઉલ્લેખનીય છે કે, ગયા વર્ષે ભડલીવાક્યો, વનસ્પતીના લક્ષણો અને ગ્રહો-નક્ષત્રોના આધારે વરસાદની આગાહી કરતા રાજ્યમાં ભરપૂર વરસાદની શક્યતા વ્યક્ત કરી હતી, પરંતુ તેની વિરુદ્ધ ગુજરાતમાં ચોમાસું નબળું રહ્યું હતું.

from Page Array – I Am Gujarat http://bit.ly/2VAEB68