ઓછી સંખ્યામાં જોવા મળતી આ કેરીના એક નંગની કિંમત છે રૂપિયા 500!

આ કેરીને ‘નૂરજહાં’ના નામથી ઓળખવામાં આવે છે

ઈંદોર: મધ્યપ્રદેશના અલીરાજપુર જિલ્લાના કટ્ઠીવાડા ક્ષેત્રમાં જોવા મળતી આ કેરીને ‘નૂરજહાં’ના નામથી ઓળખવામાં આવે છે, એવું કહેવાય છે કે આ કેરી મૂળ અફઘાનિસ્તાનની છે. માત્ર થોડા વૃક્ષો પર જોવા મળતી આ કેરીની સીમિત સંખ્યા હોવાને લીધે તેનું અગાઉથી જ બુકિંગ થઈ જાય છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

તેના એક ફળની કિંમત 500 રૂપિયા સુધી!

નૂરજહાંના નામથી ઓળખાતી આ કેરીનું ફળ લગભગ 1 ફૂટ જેટલું લાંબુ હોઈ શકે છે. આ કેરીના ગોટલાનું વજન 150થી 200 ગ્રામની આસપાસ જોવા મળે છે. આ કેરીની ભારે માગ હોવાને કારણે તેના એક ફળની કિંમત 500 રૂપિયા સુધી પહોંચી જાય છે. ઈન્દોરથી લગભગ 250 કિલોમીટર દૂર આવેલા કટ્ઠીવાડા ક્ષેત્રમાં આ ખાસ પ્રકારની ખેતી કરનાર ઈશાક મંસૂરીએ જણાવ્યું કે આ વખતે વાતાવરણ સારું હોવાથી નૂરજહાંના વૃક્ષો પર વધુ કેરી જોવા મળી રહી છે.

જાણો આ કેરીનું વજન

એવું અનુમાન છે કે આ વખતે એક કેરીનું સરેરાશ વજન 2.5 કિલોગ્રામ જોવા મળી શકે છે. જળવાયુ પરિવર્તનના કારણે આ ખાસ કેરીના ઉત્પાદન પર સંકટ તોળાઈ રહ્યું છે. આ સિવાય એવી ચોંકાવનારી વાત પણ સામે આવી છે કે એક જમાનામાં નૂરજહાં કેરીના ફળનું સરેરાશ વજન 3.5થી 3.75 કિલોગ્રામની વચ્ચે જોવા મળતું હતું. પરંતુ, ગત વર્ષોમાં વાતાવરણમાં થઈ રહેલા પરિવર્તનના કારણે આ કેરીનું વજન ઘટી રહ્યું છે. (તસવીરો પ્રતીકાત્મક છે)

from Page Array – I Am Gujarat http://bit.ly/2EdbEmb