વિશાળ પરિવારઃ
વિનોદ ખનલ, કોરાંવઃ જ્યારે પણ પ્રયાગરાજ (અલ્હાબાદ)માં ચૂંટણી હોય ત્યારે દરેક ઉમેદવાર ભરૈચા ગામના રામ નરેશ ભારતીયના ઘરે જરૂર જાય છે. તેનું કારણ એ છે કે તેમનો પરિવાર આખા અલહાબાદમાં સૌથી મોટો છે. 98 વર્ષના રામ નરેશ ગર્વ સાથે કહે છે, “મારા પરિવારમાં 82 સભ્યો છે અને તેમાંથી 66 લોકો વોટ કરશે. તેમાંથી પહેલીવાર વોટ કરનારા આઠ સભ્યો છે.” સામાન્ય રીતે બપોરે જમવાનુ પતાવી એ લોકો વોટ આપવા જાય છે. તેમના ઘર નજીક જ પ્રાથમિક શાળા છે જેમાં પોલિંગ બૂથ છે.
હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો
મુંબઈથી ખાસ વોટ આપવા આવ્યાઃ
રામ નરેશા પૌત્ર વિપિન આ ચૂંટણીમાં પહેલીવાર વોટ આપશે, તે આ અંગે ખાસ્સો ઉત્સાહિત છે. તે કહે છે, “હું અને મારા કાકાનો દીકરો અમારા પરિવારમાંથી કૉલેજ જનારા પ્રથમ સભ્ય છીએ.” વિપિનના કાકા એટલેકે રામ નરેશના પુત્ર રામ હૃદય જણાવે છે, “પરિવારના બે સભ્ય મુંબઈની પ્રાઈવેટ કંપનીમાં કામ કરે છે પરંતુ તે પણ મત આપવા આવી રહ્યા છે. મત આપવો એ ઘરે પાછા ફરવાનું એક મુખ્ય કારણ છે.”
નથી થયું સમસ્યાનું સમાધાનઃ
જ્યારે પણ કોઈ નેતા વોટ માંગવા આવે પરિવારના સદસ્ય તેમને પોતાની સમસ્યા જણાવે છે પરંતુ આજસુધી કોઈ લાભ નથી થયો. રામ નરેશના ભત્રીજા રામ શંકર જણાવે છે, “અમે પાક્કુ મકાન બનાવવા માંગીએ છીએ પરંતુ અમને હાઈ ટેન્શન ટતાર નડે છે. અમે આ વાયરને બીજી જગ્યાએ ખસેડવા અરજી આપી છે પરંતુ અત્યાર સુધી અમારી વાત કોઈએ સાંભળી નથી. આ છતાંય અમે વોટ આપવાનો નિર્ણય કર્યો છે જેથી નવા જનપ્રતિનિધિ સુધી અમે અમારી વાત પહોંચાડી શકીએ.”
સરકારી નોકરીની આશાઃ
રામ નરેશના પરિવારની સભ્ય સંખ્યા ભલભલાને ચોંકાવી દે છે. આટલા મોટા પરિવારને ખવડાવવા માટે રોજ 15 કિલો ભાત, 10 કિલો લોટ જોઈએ છે. આખો પરિવાર લાઈનમાં ઊભો રહે ત્યારે ચૂંટણી અધિકારી પણ દંગ રહી જાય છે. એક બૂથ ઑફિસર કહે છે, “આખો પરિવાર સાથે આવે તો મેળા જેવું લાગે છે.” ઓબીસી સમુદાયનો આ પરિવાર ખેતી કરીને ગુજરાન ચલાવે છે. પરંતુ તેમને આશા છે કે પરિવારના ભણેલા-ગણેલા યુવાનોને ક્યાંક સરકારી નોકરી મળી જશે.
from Page Array – I Am Gujarat http://bit.ly/2HelapP
No comments:
Post a Comment