લોકસભા ચૂંટણીઃ બંગાળમાં સાતમા ચરણમાં પણ હિંસા, BJPના ઉમેદવારની કાર પર હુમલો

બંગાળમાં મતદાન દરમિયાન હિંસા

કોલકાતા/લખનઉઃ લોકસભા ચૂંટણીના સાતમા ચરણના મતદાન દરમિયાન પશ્ચિમ બંગાળમાં એકવાર ફરી હિંસા જોવા મળી છે. ડાયમંડ હાર્બર લોકસભા સીટમાં બીજેપી ઉમેદવાર નિલંજનય રોયની કાર પર હુમલો થયો. બંગાળમાં પાછલા 6 ચરણ દરમિયાન પણ ટીએમસી અને બીજેપી કાર્યકર્તાઓ વચ્ચે હિંસક ઝડપ થઈ હતી. જાધવપુર અને બસીરહાટમાં બીજેપીએ ટીએમસી પર વોટિંગમાં ગરબડીનો આરોપ લગાવ્યો છે. તો ઉત્તર પ્રદેશ અને પંજાબમાં પણ કાર્યકર્તાઓ વચ્ચે હિંસક લડતની ઘટનાઓ સામે આવી છે. સાતમા ચરણમાં 8 રાજ્યોમાં 59 લોકસભા સીટો પર મતદાન થઈ રહ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પશ્ચિમ બંગાળ

West Bengal: BJP candidate for Diamond Harbour Lok Sabha constituency, Nilanjan Roy's car vandalised in Dongaria area of the constituency. pic.twitter.com/Ag09xHu5hZ

— ANI (@ANI) May 19, 2019

લોકસભા ચૂંટણીના સાતમા અને અંતિમ ચરણમાં પશ્ચિમ બંગાળની 9 સીટો પર વોટિંગ ચાલું છે. પશ્ચિમ બંગાળમાં અંતિમ ચરણમાં પણ હિંતા થઈ હતી. ડાયમંડ હાર્બર લોકસભા સીટથી મમતા બેનર્જીના ભત્રીજા અભિષેક બેનર્જી સામે ચૂંટણી લડી રહેલા બીજેપીના ઉમેદવાર નિલાંજન રોયની કાર પર હુમલો થયો છે. અહીં ડોંગરિયા વિસ્તારમાં રોયની કાર પર હુમલો થયો. જાધવપુરથી બીજેપી ઉમેદવાર પ્રોફેસર અનુપમ હાજરાએ ટીએમસી પર ઘણા બૂથો પર વોટિંગમાં ગરબડી કરવાનો અને બીજેપી કાર્યકર્તાઓની પીટાઈ કરવાનો આરોપ લગાવ્યો છે. તેમણે આરોપ લગાવ્યો છે કે ટીએમસીની મહિલા કાર્યકર્તા કપડાંથી મોઢું ઢાંકીને નકલી વોટિંગ કરી રહી છે.

ટીએમસી કરી રહી છે ફેક વોટિંગ?

ટીએમસીથી બીજેપીમાં આવેલા અનુપમ હાજરાએ બૂથ નંબર 150/137ની મુલાકાત લીધા બાદ આ આરોપ લગાવ્યો, ચહેરાના ઢાંકીને ટીએમસીની મહિલા કાર્યકર્તા નકલી વોટ નાખી રહી છે, તેમને ઓળખવા મુશ્કેલ છે. જ્યારે અમે તેના પર આપત્તિ દર્શાવી તો તેમણે મતદાન મથકમાં બબાલ કરી. હાજરેએ કહ્યું કે હજારો ટીએમસીના ગુંડાએ બીજેપીના મંડળ અધ્યક્ષ અને ડ્રાઈવરની પીટાઈ કરી છે. કાર પર હુમલો કર્યો છે. અમે પોતાના 3 પોલિંચ એજન્ટોને બચાવ્યા છે. ટીએમસીના ગુંડા 52 બૂથો પર ગરબડી કરી રહ્યા છે. લોકો બીજેપીને વોટ આપવા માટે ઉત્સુક છે પરંતુ તે લોકો વોટ નથી આપવા દેતા.

ઉત્તર પ્રદેશ

સાતમા ચરણમાં ઉત્તર પ્રદેશના પૂર્વાંચલ વિસ્તારની 13 લોકસભા સીટો પર વોટિંગ થઈ રહ્યું છે. ચંદૌલીના મુગલસરાયમાં સિકટિયા ગામમાં બીજેપી અને સમાજવાદી પાર્ટીના કાર્યકર્તાઓ વચ્ચે ટક્કર થઈ ગઈ. બાદમાં પોલીસ સ્થિતિ કાબૂમાં લીધી. પીએમ મોદીના સંસદીય વિસ્તાર વારાણસીમાં પણ મતદાન થઈ રહ્યું છે. અહીંના માધોપુર ગામમાં વિકાસના કોઈ કાર્ય ન થવાના કારણે ગ્રામીઓએ મતદાનનો બોયકોટ કર્યો. અહીં પોલિંગ બૂથ પર સવારથી માત્ર 3 વોટ પડ્યા છે.

પંજાબ

પંજાબના ગુરદાસપુરમાં પણ મતદાન દરમિયાન હિંસાની ખબર છે. અહીં વોટિંગ વચ્ચે કોગ્રેસના સમર્થકો એકબીજા સાથે બાખડી પડ્યા. હિંસક બબાલમાં કોંગ્રેસના ત્રણ કાર્યકર્તા ઘાયલ થયા છે.

from Page Array – I Am Gujarat http://bit.ly/2VOhi99