રાજેશ માસ્કરન્હસ
મુંબઈ: અર્થતંત્રમાં નરમાઈ છે અને કંપનીઓના નફામાં હજુ વધારો થયો નથી, પરંતુ કેટલાંક ક્ષેત્રોના શેરો પ્રીમિયમ વેલ્યુએશનને ટ્રેડ થાય છે. ઓટો, એનબીએફસી, કન્ઝ્યુમર, સિમેન્ટ, રિટેલ, ઓઇલ એન્ડ ગેસ, ટેક્નોલોજી અને જાહેર ક્ષેત્રની બેન્કો હાલમાં તેમના દસ વર્ષના પ્રાઇસ ટુ અર્નિંગ (પીઇ) રેશિયોની સરખામણીમાં પ્રીમિયમે ટ્રેડ થાય છે. આ તમામ ક્ષેત્રમાં નરમાઈ હોવા છતાં શેરોનાં વેલ્યુએશન ઊંચાં છે.
એનાલિસ્ટ્સે જણાવ્યું હતું કે તીવ્ર વેલ્યુએશનને કારણે જો બજારમાં એકંદરે વેચવાલી આવશે તો તેમના પર જોખમ ઊભું થઈ શકે છે. ઓટો ક્ષેત્ર 18.8 ગણા PEએ ટ્રેડ થાય છે, જે તેના 16.9 ગણાના છેલ્લાં દસ વર્ષના પીઇ વેલ્યુએશન કરતાં 11 ટકા પ્રીમિયમ છે. આની સરખામણીમાં છેલ્લા છ મહિનાથી આ ક્ષેત્રના વેચાણમાં ઘટાડો થઈ રહ્યો છે. ટેક્નોલોજી શેરો હાલમાં 20.7 ગણા પીઇ ટ્રેડ થાય છે, જે 16.5 ગણા સરેરાશ વેલ્યુએશન કરતાં 25 ટકા પ્રીમિયમ છે.
મોતીલાલ ઓસ્વાલના રિસર્ચ એનાલિસ્ટ દેવેન મિસ્ત્રીએ જણાવ્યું હતું કે નિફ્ટી માટે 2019-’20ના અંદાજિત ઇપીએસનું 19 ગણું વેલ્યુએશન બજારને નોંધપાત્ર સપોર્ટ આપતું નથી. અમે માનીએ છીએ કે સરકારની રચના થઈ ગયા બાદ પણ 2019ના બાકીના સમયગાળામાં વોલેટિલિટી રહેશે.
રિટેલ ક્ષેત્રનો પીઇ 10 વર્ષના સરેરાશ પીઇના નોંધપાત્ર પ્રીમિયમ વેલ્યુએશને ટ્રેડ થાય છે. એવન્યુ સુપરમાર્ટ, ટ્રેન્ટ, ABFRL, વી-માર્ટ સહિતના શેરોનું વેલ્યુએશન ઊંચું છે. કન્ઝ્યુમર ક્ષેત્રનો પીઇ રેશિયો 39.5 ગણો છે, જે છેલ્લાં દસ વર્ષના સરેરાશ 33ના પીઇ રેશિયો કરતાં 19.8 ટકા ઊંચો છે.
કોટક સિક્યોરિટીઝના એમડી (ઇન્સ્ટિટ્યૂશનલ ઇક્વિટીઝ) સંજીવ પ્રસાદે જણાવ્યું હતું કે “આર્થિક નરમાઈના સંકેત અને અર્નિંગમાં ડાઉનગ્રેડની શક્યતા હોવા છતાં અમને વાજબી વેલ્યુએશન સાથે કન્ઝમ્પ્શન શેરો શોધવામાં મુશ્કેલી પડે છે. આપણને અત્યાર સુધી ઓટો ક્ષેત્રમાં અર્નિંગ ડાઉનગ્રેડ જોવા મળ્યો છે, પરંતુ નરમાઈ તીવ્ર અને લાંબી છે. તેનાથી વધુ ક્ષેત્રોમાં નરમાઈ આવી શકે છે અને ઓટો ક્ષેત્રનું વધુ ડાઉનગ્રેડ થઈ શકે છે.”
છેલ્લા છ મહિનામાં રૂપિયામાં ઘટાડાથી ટેક્નોલોજી ક્ષેત્રને સપોર્ટ મળ્યો છે. આ કંપનીઓને માર્જિનના મોરચે રાહત થઈ છે. જોકે રૂપિયામાં તાજેતરમાં પ્રત્યાઘાતી સુધારાથી ક્રોસ કરન્સી અસર થઈ રહી છે અને કેટલીક કંપનીઓનાં માર્જિન પર દબાણ આવ્યું છે.
from Page Array – I Am Gujarat http://bit.ly/2vSfP2j
No comments:
Post a Comment