ચહેરા પર ફક્ત એક તલ જ હતો, તપાસ કરાવી તો ખબર પડી કે…

તપાસ કરાવતા થયો ઘટસ્ફોટઃ

આપણે આપણા શરીર પ્રત્યે જાગૃત રહેવું કેમ જરૂરી છે તે આટલું વાંચીને સમજાઈ જશે. સામાન્ય રીતે આપણા શરીર કે ચહેરા પર નાનકડો તલ નીકળી આવે તો તેના પર પણ આપણું ધ્યાન પડતા દિવસો નીકળી જાય છે. શક્ય છે કે આ કોઈ ગંભીર રોગની નિશાની હોય. મેગન ડિડિઓ નામની 21 વર્ષની યુવતી સાથે કંઈક આવું જ થયું હતું. તેના ડાબા ચહેરા પર તલ નીકળતા તેના પિતાએ તેને ડોક્ટરને બતાવવા કહ્યું હતું. ડોક્ટરને પણ પહેલી નજરે કશું અજુગતુ ન લાગ્યું પરંતુ જ્યારે બાયોપ્સી કરાવી ત્યારે ખબર પડી કે તેને સ્કિન કેન્સર છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

ડાઉટ હોય તો ચેકઅપ કરાવી લોઃ

પાંચ અઠવાડિયા પછી તેને કેલિફોર્નિયાથી શિકાગો લઈ જવામાં આવી. બાયોપ્સી પછી ખબર પડી કે તેને મેલાનોમા એટલે કે સ્કિન કેન્સર છે. જો કે સમયસર ચેતી જતા તેનું કેન્સર પ્રારંભિક તબક્કામાં જ ડિટેક્ટ થઈ ગયું હતું. આજે 22 વર્ષની મેગન કેન્સર મુક્ત થઈ ગઈ છે. પરંતુ લોકોમાં જાગૃતિ ફેલાવવા માટે તે પોતાનો અનુભવ બધા સાથે શેર કરી રહી છે. તેનું કહેવું છે કે તમને જ્યારે પણ અંદરથી એવું લાગે કે શરીરમાં મજા નથી તો એ વાતને અવગણ્યા વિના ડોક્ટર પાસે ચેક અપ કરાવી જ લેવું જોઈએ.

પિતાએ ચેક અપ માટે કર્યો આગ્રહઃ

મેગનને સ્કિન કેન્સરની ફેમિલી હિસ્ટ્રી હતી અને તે બહાર જતી વખતે સનસ્ક્રીન પણ સમજી વિચારીને લગાવતી હતી. તેને જ્યારે ગાલ પર તલ દેખાયો ત્યારે તેને કશું અજુગતુ નહતુ લાગતું. પરંતુ તેના પિતાને લાગ્યું કે તે કંઈક વિચિત્ર લાગે છે અને તેમણે મેગનને ચેક અપ કરાવવા કહ્યું. મેગનના ડર્મેટોલોજિસ્ટે જોઈને તો કહ્યું કે બધુ બરાબર લાગે છે પરંતુ તેને શક હોય તો બાયોપ્સી કરાવવાની સલાહ આપી હતી. પાંચ અઠવાડિયા પછી તેને ખ્યાલ આવ્યો કે આ તલ કેન્સરના કારણે હતો.

સ્કિન કેન્સરથી બચી શકાયઃ

મેલાનોમાએ મિલાનોસાઈટ્સમાં શરૂ થાય છે. આ એક પ્રકારના ચામડીના કોષો છે જે મેલાનિન બનાવે છે અને સ્કિનને બ્રાઉન કે ટેન કલર આપે છે. સ્કિન કેન્સર એ કેન્સરનો ઘણો કોમન પ્રકાર છે અને સ્કિન કેન્સરને કારણે થતા મૃત્યુમાં તેનો ક્રમ પહેલો છે. જો કે વહેલી તકે નિદાન થાય તો તેની ટ્રીટમેન્ટ શક્ય બને છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2DS2ifq