કેટરીનાએ અર્જુનને ગણાવ્યો ભાઈ, કહ્યું – રણબીર-આલિયાને બદલે તેના મેરેજ અટેન્ડ કરીશ

અર્જુન કપૂરને ભાઈ માને છે કેટરીના

એક્ટ્રેસ કેટરીના કૈફ અત્યારે પોતાની ફિલ્મ ‘ભારત’ના પ્રમોશનમાં વ્યસ્ત છે. આના કારણે તે ઘણા કાર્યક્રમોમાં હાજરી આપી રહી છે. હવે કેટરીનાએ અર્જુન કપૂર અંગે એક મોટું નિવેદન આપ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

‘રણબીર-આલિયાને બદલે અર્જુનના લગ્નમાં જઈશ’

એક ટૉક શોમાં કેટરીનાએ કહ્યું કે, અર્જુન મારો ‘ધર્મનો ભાઈ’ છે. ટૉક શો દરમિયાન હોસ્ટે એક્ટ્રેસને પૂછ્યું કે, રણબીર કપૂર અને આલિયા ભટ્ટ, અર્જુન કપૂર અને મલાઈકા અરોરા એક જ દિવસે લગ્ન કરે તો તું કોના લગ્ન અટેન્ડ કરીશ. આના જવાબમાં તેણે કહ્યું કે, મારે કોઈ એક લગ્નમાં જવાનું થશે તો હું અર્જુનના લગ્નમાં જઈશ કારણ કે, તે મારો ‘ધર્મનો ભાઈ’ છે. જે દિવસે ‘શીલા કી જવાની’ ગીત રિલીઝ થયું હતું, તે દિવસે કેટરીનાએ તેને રાખડી બાંધી હતી.

‘ભારત’માં લીડ રોલમાં છે કેટ

કેટરીનાના વર્કફ્રન્ટની વાત કરીએ તો તેની આગામી ફિલ્મ ‘ભારત’ ઈદ નિમિત્તે 5 જૂનના રોજ થિએટર્સમાં રિલીઝ થવા જઈ રહી છે. અલી અબ્બાસ ઝફરના ડિરેક્શનમાં બનેલી ફિલ્મમાં તેની સાથે સલમાન ખાન, દિશા પટની, સુનીલ ગ્રોવર, જેકી શ્રૉફ, તબ્બૂ અને નોરા ફતેહી પણ જોવા મળશે.

‘ઈન્ડિયાઝ મોસ્ટ વૉન્ટેડ’માં દેખાયો અર્જુન

બીજી તરફ અર્જુન કપૂરના કામની વાત કરીએ તો તેની ‘ઈન્ડિયાઝ મોસ્ટ વૉન્ટેડ’ 24મેના રોજ રિલીઝ થઈ હતી. હવે તે આશુતોષ ગોવારિકરની ‘પાનીપત’માં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WeX9t8