ચાદર પાથરતી વખતે આ એક ટ્રિક તમારી ઘણી બધી મહેનત બચાવી લેશે 👌👍

સુઘડ પાથરેલી ચાદરઃ

આપણે જ્યારે પણ કોઈ હોટેલ રૂમમાં જઈએ તો સૌથી પહેલા આપણું ધ્યાન તેની એકદમ વ્યવસ્થિત, સુઘડ રીતે પાથરેલી ચાદર પર જાય છે. સરસ રીતે પાથરેલી ચાદર બેડરૂમની શોભામાં ચાર ચાંદ લગાવી દે છે. આપણે ચાદર પાથરીએ ત્યારે થોડો વખત તો સરસ રહે છે પરંતુ કોઈ બેસે કે સૂએ તો તરત જ ચોળાઈ જાય છે. આથી જ આજે અમે તમને એક એવી ટ્રિક વિષે જણાવી રહ્યા છીએ જે ચાદર પાથરવાની તમારી મહેનત બચાવી લેશે અને ચાદર પાથરશો પછી પણ તે ઓછી ચોળાશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

હોસ્પિટલ કોર્નર્સઃ

ચાદર પાથરવાની આ ટ્રિકને હોસ્પિટલ કોર્નર્સ તરીકે પણ ઓળખવામાં આવે છે કારણ કે મોટાભાગની હોસ્પિટલોમાં દર્દીના પલંગ પર ચાદરને સુવ્યવસ્થિત રાખવા માટે આ ટ્રિકનો ઉપયોગ થાય છે. આ ટ્રિકમાં તમારે કંઈ ખાસ કરવાનુ નથી પરંતુ તે તમારી ચાદર પાથરવાની અને ત્યાર પછી અવારનવાર ચોળાઈ જતી બેડશીટ ઠીક કરવાની ઘણી મહેનત બચાવી લેશે.

રીતઃ

ચાદરને બેડ પર એ રીતે પાથરો જેથી ચારેય બાજુ તેના છેડા એકસરખા બહાર રહે. હવે એક ખૂણાથી શરૂ કરીને ચાદરના ખૂણે ચાદરના જ કપડાની ગાંઠ બાંધી દો. આમ એક પછી એક ચારેય ખૂણે ગાંઠ બાંધી દો. ત્યાર બાદ આ ચારેય ખૂણાને અંદર ખોસીને ચાદરનું બાહર લટકતુ કપડુ પણ ગાદલા નીચે વ્યવસ્થિત રીતે ખોસી દો.

કેવી રીતે કરે છે કામ?

તમે ચાદરના છેડે જે ગાંઠ બાંધો છો તે ચાદરને તેની જગ્યાએ ફિક્સ કરી દે છે અને ગાદલા પર ફસકતી અટકાવે છે. આથી આવી ગાંઠ બાંધેલી ચાદર પર તમે બેસો કે ઊંઘો તો તે વધુ ચોળાતી નથી અને પાથરવામાં પણ આસાની રહે છે. આ આસાન ટ્રિક ટ્રાય કરી જુઓ, ચાદર વ્યવસ્થિત પાથરવાની ઝંઝટમાંથી તમને કાયમ માટે છૂટકારો મળી જશે.

(તસવીર સૌજન્યઃ વિકિહાઉ)

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2Y3Mgqs