અહીં શરૂ થશે વિશ્વનો સૌથી ઊંડો સ્વિમિંગ પુલ, અંદર કરવામાં આવી છે ખાસ વ્યવસ્થા

વિશ્વનો સૌથી ઊંડો સ્વિમિંગ પુલ

પોલેન્ડમાં આ વર્ષે વિશ્વના સૌથી ઊંડા સ્વિમિંગ પુલને ખુલ્લો મૂકવામાં આવશે. હાલ પોલેન્ડમાં વૉરસો (Warsaw) નજીક એક શહેરમાં આ પુલ આકાર લઈ રહ્યો છે. ટૂંક સમયમાં જ જાહેર જનતા માટે આ સ્વિમિંગ પુલ ખુલ્લો મૂકવામાં આવશે. 45 મીટર ઊંડા સ્વિમિંગ પુલમાં લગભગ 8000 ક્યુબિક મીટર પાણી હશે, જેની ઘનતા સામાન્ય સ્વિમિંગ પુલ કરતાં આશરે 27 ગણી વધુ છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પલળ્યા વિના પુલની અંદર જઈ શકાશે

આ પુલની અન્ય એક રસપ્રદ બાબત છે કે અહીં અંડરવોટર ટનલ બનાવવામાં આવી છે. એટલે જે લોકોને સ્વિમિંગ ન કરવું હોય તે પલળ્યા વિના ડાઈવર્સને અંદર સ્વિમિંગ કરતા જોઈ શકશે. જ્યાં સુધી પોલેન્ડનો ડીપસ્પોટ ખુલતો નથી ત્યાં સુધી ઈટાલીમાં આવેલો વાય-40 ડીપ જોય સૌથી ઊંડો સ્વિમિંગ પુલ રહેશે. ઈટાલીના આ સ્વિમિંગ પુલની ઊંડાઈ 42 મીટર છે.

હંમેશા કાચ જેવું ચોખ્ખું રહેશે પાણી

અનુભવી ડાઈવર્સને સ્કૂબા ડાઈવિંગ શીખવા માટે ડીપસ્પોટ શ્રેષ્ઠ છે તે પ્રકારે હાલ તો આ સ્વિમિંગપુલનું માર્કેટિંગ કરવામાં આવી રહ્યું છે, જો કે શરૂઆત કરનારા માટે પણ અહીં ખાસ વ્યવસ્થા છે. સ્વિમિંગ પુલના મેઈનટેનન્સ માટે નવી ફિલ્ટરેશન સિસ્ટમ લગાવવામાં આવી છે. જેથી પુલનું પાણી હંમેશા કાચ જેવું સ્વચ્છ રહેશે. રિપોર્ટ મુજબ, આ સ્વિમિંગ પુલનું પાણી સામાન્ય પુલની સરખામણીમાં થોડું ગરમ રાખવામાં આવશે.

24 કલાક ખુલ્લું રહેશે

આ સ્વિમિંગ પુલ આખું વર્ષ 24 કલાક ખુલ્લું રહેશે. જે લોકો ડાઈવિંગ શીખવા માગે છે તેમના માટે આ સારી તક છે. આ સ્વિમિંગ પુલ ખુલ્લામાં નહીં અંદર હોવાથી હવામાન ગમે તેવું હોય ડાઈવર્સ અહીં તરવાની મજા લઈ શકશે.

from Page Array – I Am Gujarat http://bit.ly/2WifjGd