પાલનપુર: ચાર દોસ્તોએ ભેગા મળી પોતાના મિત્રને મોતના મુખમાંથી બચાવ્યો હોવાનો એક ચોંકાવનારો કિસ્સો સાબરકાંઠાના એક ગામડાંમાં બન્યો છે. નદીમાં ન્હાવા ગયેલા આ બાળકોમાંથી ચંદુ ગમાર નામના 14 વર્ષના એક બાળકને મગરે પકડી લીધો હતો. ચંદુનો પગ મગરના જડબામાં ફસાઈ ગયો હતો, અને મગર તેનો શિકાર કરવાની તૈયારીમાં હતો.
હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો
સાબરમતી નદીમાં બનેલી આ ઘટનામાં કમર જેટલા પાણીમાં ચંદુને મગર ખેંચી રહ્યો હતો તે વખતે જ તેના દોસ્તોએ જીવના જોખમે તેને બચાવવાના પ્રયાસો શરુ કર્યા હતા. ચંદુના દોસ્તોએ તેને હાથ પકડીને ખેંચવાનું શરુ કર્યું હતું, પરંતુ મગર મચક નહોતો આપી રહ્યો, જોકે બાળકો પણ હિંમત હારવા તૈયાર નહોતા. આખરે દસ મિનિટના જીવસસોટના ખેલ બાદ મગરે હાર માની ચંદુનો પગ છોડી દીધો હતો.
108 ઈમરજન્સી સર્વિસના મેનેજમેન્ટ એક્ઝિક્યુટિવ જૈનિક પટેલના જણાવ્યા અનુસાર, ચંદુની ચીસો સાંભળી તેના ચારેય દોસ્તો તેને બચાવવા દોડી ગયા હતા. મગરે ચંદુના પગમાં પોતાના દાંત ખોંસી દીધા હતા, અને તેને પાણીમાં ખેંચવાનું શરુ કર્યું હતું. બાળકોની બૂમાબૂમ સાંભળી ગામના લોકો પણ નદી તરફ દોડ્યા હતા.
આ ઘટનામાં ચંદુના પગમાં ગંભીર ઈજા થતાં તેને સારવાર માટે સાંજે છ વાગ્યે હિંમતનગર ખસેડવામાં આવ્યો હતો. ત્યારબાદ તેને અમદાવાદ સિવિલ હોસ્પિટલ લવાયો હતો. હિંમતનગર સિવિલ હોસ્પિટલના સુપ્રિન્ટેન્ડેન્ટ ડૉ. અશ્વિન ગઢવીએ જણાવ્યું હતું કે ચંદુના જમણા પગની નીચેના ભાગમાં હાડકામાં ગંભીર ઈજા થઈ છે.
from Page Array – I Am Gujarat http://bit.ly/2VmalXP
No comments:
Post a Comment