પ્રિન્સ હેરી અને મેગનના પુત્ર માટે મુંબઈના ડબ્બાવાળા મોકલશે મોંઘેરી ગિફ્ટ

ડબ્બાવાળા મોકલશે ગિફ્ટ

મુંબઈઃ ઈંગ્લેન્ડના શાહી પરિવારમાં હાલમાં જ ખુશીઓ આવી છે. બ્રિટિશ પ્રિન્સ હેરી અને તેમની પત્ની મેગન હાલમાં જ એક પુત્રના માતા-પિતા બન્યા છે. આ પ્રસંગે મુંબઈના ડબ્બાવાલા એસોસિએશને જાહેરાત કરી છે કે તેઓ ગિફ્ટમાં ચાંદીની જ્વેલરી યૂકે મોકલશે. એસોસિએશન તરફથી સુભાષ તાલેકરે પ્રિન્સ ચાર્લ્સને ફરી દાદા બનવા બદલ શુભકામના પાઠવી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મોકલશે ચાંદીની જ્વેલરી

તેમણે જણાવ્યું કે, ‘અમે રાજકુમારને ચાંદીનો કમરપટ્ટો, એંકલેટ અને કડા ગિફ્ટ કરશે. અમે સોનાનો ખર્ચ ઉપાડી શકતા નથી. અમને ખબર છે કે બાળક આ જ્વેલરી નહીં પહેરે પરંતુ શાહી પરિવાર અમારી ગિફ્ટને સંભાળીને રાખશે.’ અસોસિએશને હજુ પોતાનું બજેટ નક્કી કર્યું નથી. મુંબઈમાં ચાંદીની કિંમત હાલમાં 40,000 રૂપિયા પ્રતિ કિલો છે.

આ પહેલા પણ ગિફ્ટ મોકલી ચૂક્યા છે ડબ્બાવાળા

તાલેકરના મિત્ર અને બિઝનેસમેન પવન અગ્રવાલે ડબ્બાવાળાઓ પર પીએચડી કરી છે. તેઓ તાલેકર સાથે જ્વેલરી ખરીદવા માટે જશે. તેમણે જણાવ્યું કે તેઓ પ્રિન્સ વિલિયમ અને કેડ મિડલટન માટે પારંપરિક ચપ્પલો અને પાઘડી મોકલી ચૂક્યા છે. તેમણે જણાવ્યું કે, ‘હું 2009માં બકિંઘમ પેલેસ ગયો હતો અને અહીં ગિફ્ટ ગેલેરીમાં અમારી ગિફ્ટને સંભાળીને રાખી હતી. જે જોઈન ખુબ ખુશી થઈ હતી.’

પ્રતિદ્વંદી પબ્લિસિટી સ્ટંટ ગણાવ્યો

એસોસિએશનના પ્રતિદ્વંદી નૂતન ટિફિન ડબ્બાવાલા એસોસિએશનના રધુનાથ મેજે આ જાહેરાતને પબ્લિસિટી સ્ટંટ ગણાવ્યો. તેમનું કહેવું છે કે, તાલેકર અને અગ્રવાલે ખાલી એક એસોસિએશન રજિસ્ટર કરાવી રાખ્યું છે અને ડબ્બાવાલાઓમાં તેમના કોઈ ફોલોઅર્સ નથી. તેમણે કહ્યું કે, ‘તેમણે ક્યારેય ડબ્બા ઉઠાવ્યા નથી. માત્ર અમારા કામ અંગે લખવાથી તેમને માન્યતા નથી મળતી.’

from Page Array – I Am Gujarat http://bit.ly/2Jy1bF9