મૂર્તિની પાછળ છુપાઈને આ કામ કરતી હતી એક્ટ્રેસ રેખા, અમિતાભની ફિલ્મનો કિસ્સો

રેખા-અમિતાભની હિટ જોડી

70 અને 80ના દશકામાં અમિતાભ અને રેખાની જોડી ફિલ્મોને હિટ કરાવવાનો સફળ ફોર્મ્યુલા હતો. આ સિવાય બંનેનું અફેર બોલિવુડમાં આજે પણ સૌથી ચર્ચાસ્પદ પૈકીનું એક છે. રેખાએ અમિતાભ સાથેની ફિલ્મ ‘સુહાગ’ના શૂટિંગનો કિસ્સો શેર કર્યો. અમારા સહયોગી મુંબઈ મિરરના રિપોર્ટ મુજબ, હાલમાં જ રેખા રિયાલિટી શો સુપર ડાન્સર 3માં ભાગ લેવા પહોંચી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

શોમાં રેખાએ કર્યો ખુલાસો

આ દરમિયાન રેખાએ જણાવ્યું કે, ફિલ્મના શૂટિંગ દરમિયાન તે દુર્ગા માતાની મૂર્તિ પાછળ જઈને ઊંઘી જતી હતી. આમ કરવાથી રેખા કેમેરા સામે ફ્રેશ લાગતી હતી. જણાવી દઈએ કે, 1979માં ફિલ્મ ‘સુહાગ’માં અમિતાભ બચ્ચન, રેખા સિવાય દિવંગત એક્ટર શશિ કપૂર હતા. આ ઉપરાંત પરવીન બાબી પણ ફિલ્મમાં મહત્વના રોલમાં જોવા મળ્યા હતા. સુપર ડાન્સર 3માં રેખા સ્પર્ધકો સાથે પર્ફોમ કરતી જોવા મળશે.

‘પ્રેમ છે તો છે’

રેખાએ ફિલ્મફેર સાથેની વાતચીતમાં અમિતાભ બચ્ચન સાથેના અફેર અંગે કહ્યું હતું કે, “લોકો શું વિચારે છે તેની મને ચિંતા નથી. તો પછી બંનેનો સંબંધ પબ્લિક વચ્ચે કેમ જવો જોઈએ! અમારી વચ્ચે પ્રેમ છે તો છે! કોઈ આ અંગે શું વિચારે છે તેનાથી મને ફરક નથી પડતો.” રેખાએ સ્પષ્ટપણે કહ્યું હતું કે, મને ખબર છે કે આ ઈન્ટરવ્યૂ બાદ લોકો મને પાગલ કહેશે અને એમ પણ કહેશે કે રેખાની વાતો તેની કલ્પનાને આધારે હતી. તેમ છતાં એવી પ્રતિક્રિયા નહીં આપું જેની આશા લોકો રાખીને બેઠા છે.

રેખાને મળવામાં અમિતાભ સંકોચ અનુભવતા હતા

યાસિર ઉસ્માને પોતાના પુસ્તક ‘રેખા ધ અનટોલ્ડ સ્ટોરી’માં એક્ટ્રેસના જીવનના ઘણા રહસ્યો છતાં કર્યા છે. પુસ્તકમાં યાસિરે લખ્યું કે, એક સમય એવો હતો જ્યારે અમિતાભ બચ્ચન રેખાને મળવામાં સંકોચ અનુભવતા હતા. યાસિરે પુસ્તકમાં લખ્યા મુજબ, રેખાની લાઈફમાં અમિતાભ આવતાં તેના વ્યવહારમાં ખાસ્સો બદલાવ આવ્યો હતો. રેખાએ સિમી ગ્રેવાલને આપેલા ઈન્ટરવ્યૂમાં જણાવ્યું હતું કે, અમિતાભની સામે ઊભા રહેવું સરળ નહોતું.

from Page Array – I Am Gujarat http://bit.ly/2YSNWDH