કૃષ્ણકુમાર પીકે
કોચી:ભારતનો કોફી ઉદ્યોગ સતત ત્રીજા વર્ષે નબળા આઉટલૂકનો સામનો કરી રહ્યો છે. કોફીના ઉત્પાદનમાં ઘટાડા છતાં પણ વૈશ્વિક કિંમતોમાં ઘટાડો થઈ રહ્યો છે. પાછલા વર્ષે ભારે વરસાદના કારણે ઉત્પાદનને નુકસાન થયું હતું કેમ કે સતત બે વર્ષના દુષ્કાળની અસરમાંથી પ્લાન્ટેશન બહાર આવી રહ્યા હતા.
જાન્યુઆરી 2019થી શરૂઆતના કેટલાક મહિનાઓ દરમિયાન કોફીની નિકાસમાં વાર્ષિક ધોરણે જે વધારો દેખાઈ રહ્યો હતો તે ધીમેધીમે ઓસરી રહ્યો છે કેમ કે નિકાસકારોને ખોટ ખાઈને વેચવાની ફરજ પડી રહી છે. પહેલી જાન્યુઆરીથી મેના પ્રથમ સપ્તાહ સુધીના ગાળામાં નિકાસમાં વધારો ફક્ત બે ટકા ઉપર જળવાયો હતો.
ત્રીજા ત્રિમાસિક ગાળાથી આગળ ઉપર નિકાસમાં ઘટાડો શરૂ થશે. મારા સંપૂર્ણ જીવનકાળમાં આનાથી નીચી કિંમત મેં જોઈ નથી તેમ કોફી એક્સપોર્ટર્સ એસોસિયેશન ઓફ ઇન્ડિયાના પ્રેસિડન્ટ રમેશ રાજાએ જણાવ્યું હતું.
આઇસીઇ (ન્યૂ યોર્ક) અરેબિકા ફ્યુચર્સ, જે બેન્ચમાર્ક ગ્લોબલ પ્રાઇસ ઇન્ડિકેટર છે તે જુલાઈ માટે દરેક પાઉન્ડ દીઠ આશરે 88 સેન્ટ હતો, જે 13 વર્ષની નીચી સપાટી છે. આઇસીઇ જુલાઈ રોબસ્ટા ફ્યુચર ટન દીઠ 1,290 ડોલરની આસપાસ તોળાઈ રહ્યો છે જે નવ વર્ષની નીચી સપાટી છે. કિંમતમાં ઘટાડો વિશ્વના સૌથી મોટા કોફી ઉત્પાદક બ્રાઝિલમાં બંપર પાકના કારણે ટ્રિગર થયો છે. પાછલા વર્ષે વિક્રમ પાક ઉતાર્યા બાદ આ દેશ આ વર્ષે પણ વધારે સારો પાક આવવાની અપેક્ષા રાખે છે. વિયેતનામ બીજા ક્રમનું સૌથી મોટું કોફી ઉત્પાદક છે તથા અન્ય એક અગ્રણી કોફી ઉત્પાદક દેશ ઇન્ડોનેશિયામાં પણ સારો પાક આવવાની અપેક્ષા છે.
કર્ણાટક પ્લાન્ટર્સ એસોસિયેશનના ચેરમેન એમબી ગણપતિએ જણાવ્યું હતું કે, “અમે અપેક્ષા રાખીએ છીએ કે કોફીના પાકમાં 30 ટકાનો ઘટાડો આવવાની શક્યતા છે. આ વર્ષે એરેબિકા અને રોબસ્ટા એમ બન્ને પાકમાં ઘટાડો થયો છે. સામાન્ય રીતે કોઈ એક પાકો સારો રહેતો હોય છે.”
કોફી બોર્ડ ઓફ ઇન્ડિયાના 2018-’19 માટેના અંદાજો 3,19,500 ટનના છે, જેમાં 2,24,500 ટન રોબસ્ટા તથા 95,000 ટન એરેબિકાનો સમાવેશ થાય છે. ગણપતિએ જણાવ્યું હતું કે નીચી કિંમતે ઘણા કોફી ઉત્પાદકોને નિરાશ કર્યા છે અને આગામી પાક માટે તેમના એસેટની જાળવણીમાં નિરસતા દર્શાવી રહ્યા છે જેના કારણે આગામી પાકમાં પણ તેની અસર જોવા મળી શકે.
from Page Array – I Am Gujarat http://bit.ly/2E2BJ7a
No comments:
Post a Comment