‘સત્તે પે સત્તા’ની રીમેકમાં કેટરિનાને રસ પડ્યો,કિંગ ખાન આ રીતે કરશે કમબેક

‘સત્તે પે સત્તા’ પ્રોજેક્ટ શરુ

બી-ટાઉનમાં અમિતાભ બચ્ચન અને હેમા માલિનીની ફિલ્મ ‘સત્તે પે સત્તા’ની રીમેક થવાના સમાચાર ચર્ચામાં છે. આ પ્રોજેક્ટમાં ફરાહ ખાન અને રોહિત શેટ્ટી પોતાના પ્રોડક્શનમાં ફિલ્મ તૈયાર કરે એવી શક્યતાઓ છે. સુત્રોના જણાવ્યા અનુસાર ફિલ્મનિર્માતાએ પોતાના આ મહત્ત્વના પ્રોજેક્ટની શરુઆત કરી દીધી છે અને આ ફિલ્મની સ્ટારકાસ્ટ પણ ફાઈનલ થઈ ચૂકી છે. એવું પણ માનવામાં આવી રહ્યું છે કે, આ ફિલ્મમાં મોટા કલાકારોને ફાઈનલ કરવાના છે. સુત્રોના જણાવ્યા અનુસાર કિંગ ખાન અને કેટરિના કૈફ ફાઈનલ છે. જો બધુ યોગ્ય રહ્યું તો કિંગ ખાન અને કેટરિનાની આ ત્રીજી ફિલ્મ હશે.

કિંગખાનનું કમબેક

ફરાહ ખાન મોટા ભાગે શાહરુખ ખાન સાથે કામ કરવાનું પસંદ કરે છે. હેપ્પી ન્યૂયર બાદ આ ફિલ્મથી કિંગખાન ફિલ્મી પદડે કમબેક કરી શકે છે. ફરાહ શાહરુખ અને કેટરિના સાથે કામ કરવા માગે છે. તેમને લાગે છે કે, આ એક સારી એવી તક છે. રોહિતને આ ફિલ્મનો આઈડિયા ખૂબ ગમે છે. શાહરુખ ખાન અને કેટરીના બંનેએ આ ફિલ્મની સ્ક્રિપ્ટમાં રસ દાખવ્યો છે. જોકે, બેમાંથી કોઈએ પ્રોજેક્ટ સાઈન કર્યા નથી. બધુ યોગ્ય રહ્યું તો રોહિત શેટ્ટી, ફરાહખાન, શાહરુખખાન અને કેટરીના કૈફ પહેલી વખત કોઈ પ્રોજેક્ટમાં સાથે જોવા મળશે.

સપોર્ટિંગ રોલ માટે શોધખોળ

‘સત્તે પે સત્તા’માં અમિતાભ બચ્ચન અને હેમા સિવાય પણ બીજા કેટલાક કલાકારો હતા. આ નવી રીમેક ફિલ્મમાં બીજા પાત્રો માટે સપોર્ટિંગ કાસ્ટની શોધ શરુ કરી દેવામાં આવી છે. કેટરીના કૈફ હાલમાં પોતાની નવી ફિલ્મ ભારતના પ્રમોશનમાં વ્યસ્ત છે. જ્યારે શાહરુખ ખાનની ફિલ્મ ઝીરો પીટાઈ ગઈ હતી. એવા પણ સમાચાર છે કે રોહિત શેટ્ટી સૂર્યવંશી ફિલ્મને લઈને શુટિંગમાં વ્યસ્ત છે. જેમાં અજય દેવગન સાથે અક્ષય કુમાર પણ જોવા મળશે.

ફરી એક વખત અક્ષય અને કેટરિના

વર્ષ 1982માં આવેલી ફિલ્મ સત્તે પે સત્તા એક્શન કોમેડી ફિલ્મ હતી. જેમાં અમિતાભ બચ્ચન અને હેમા સિવાય રંજીતા કૌર, શક્તિ કપુર, અમજદ ખાન, પેન્ટલ, કંવલજીતસિંહ, સચીન અને બીજા કેટલાક કલાકારોએ રોલ પ્લે કર્યો હતો. કેટરિના કૈફ રોહિત શેટ્ટીની નવી ફિલ્મ સૂર્યવંશીમાં પણ જોવા મળશે. અગાઉ પણ અક્ષય કુમાર અને કેટરિનાની જોડી લોકોને ખૂબ પસંદ પડી હતી.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2YjcG7y