પુત્રીને જન્મ આપ્યા બાદ હવે બૉયફ્રેન્ડ સાથે લગ્ન કરશે આ દેશના વડાંપ્રધાન

બૉયફ્રેન્ડ સાથે લગ્ન કરશે આ દેશના વડાંપ્રધાન

ન્યૂઝીલેન્ડના વડાંપ્રધાન જેસિંડા અર્ડર્ન અને ઘણાં લાંબા સમયથી તેમના પ્રેમી ક્લાર્ક ગેફોર્ડ લગ્ન કરવા જઈ રહ્યા છે. અર્ડર્ન અને ગેફોર્ડના એક પ્રવક્તાએ જણાવ્યું કે આ લવબર્ડ ઈસ્ટરની રજાઓ દરમિયાન લગ્ન કરવા માટે તૈયાર થઈ ગયા છે. તેમની એક પુત્રી પણ છે. પંરતુ, તેમણે એવું નથી જણાવ્યું કે શું વડાંપ્રધાનના (New Zealand Prime Minister) લગ્નની તારીખ નક્કી થઈ ગઈ છે અથવા કોણે લગ્ન માટે પ્રથમ પ્રસ્તાવ મૂક્યો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ગત વર્ષે આપ્યો હતો પુત્રીને જન્મ

પ્રવક્તાએ જણાવ્યું કે તેમણે સગાઈ કરી લીધી છે. અર્ડર્ને ગત વર્ષે જૂન મહિનામાં પુત્રી નીવને જન્મ આપ્યો હતો. તેઓ દુનિયાના એવા બીજા વડાંપ્રધાન છે કે જેમણે પદ પર રહેતા બાળકને જન્મ આપ્યો. પુત્રીના જન્મ બાદ ટેલિવિઝન ફિશિંગ શો હોસ્ટ ગેફોર્ડે ઘરે રહીને પુત્રીનો ઉછેર કરવાનું નક્કી કર્યું છે.

તેમણે પદ પર રહેતા બાળકને જન્મ આપ્યો

તેમણે ગત વર્ષે પુત્રી Neve Te Arohaને જન્મ આપ્યો હતો. ન્યૂઝ અનુસાર તેઓ ઈતિહાસની એવી બીજી મહિલા છે કે જેમણે રાષ્ટ્ર પ્રમુખ રહેતા બાળકને જન્મ આપ્યો હોય. માત્ર આટલું જ નહીં રાષ્ટ્ર પ્રમુખ રહેતા મેટરનિટી લીવ પર જનારા તેઓ પ્રથમ મહિલા છે. તેમણે કુલ 6 અઠવાડિયાની મેટરનિટી લીવ લીધી હતી. રજાઓ પૂર્ણ થયા બાદ તેમણે પરત ફરીને વડાંપ્રધાન પદની જવાબદારી સંભાળી.

from Page Array – I Am Gujarat http://bit.ly/2vzqkXY