મે મહિનામાં ભારતની આ જગ્યાઓ છે ફરવાના બેસ્ટ ડેસ્ટિનેશન

મે મહિનામાં ફરવા માટે બેસ્ટ છે આ જગ્યાઓ

મે-જૂનની ગરમી તમને ઘરની બહાર નીકળતા રોકશે તેમાં કોઈ શંકા નથી. હરવા ફરવાવાળાઓ માટે આ બહુ મોટી ચેલેન્જ છે. પરંતુ તમે આ ગરમીમાં રાહત મેળવવા માગો છો અને સાથે સાથે અનોખા ફેસ્ટિવલનો આનંદ પણ ઉઠાવવા માગો છો તો એકવાર અહીં જઈ આવો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મોઆત્સુ ફેસ્ટિવલ

ખેતી સાથે જોડાયેલ આ ફેસ્ટિવલ નાગાલેન્ડની જનજાતી દ્વારા મનાવાય છે. જેમાં ડાન્સ, સંગીતની સાથે લગ્ન જેવા કાર્યક્રમ યોજાય છે. આ ફેસ્ટિવલમાં સૌથી ખાસ હોય છે સાંગપાંગતૂ. જેમાં પુરુષો અને મહિલાઓ નવા કપડામાં તૈયાર થઈને આગના કીનારે બેસીને મીટ અને વાઈનનો આનંદ ઉઠાવે છે.

ક્યારે?
મેના પહેલા સપ્તાહમાં

ક્યાં?
નાગાલેન્ડ

ત્રિશૂર પૂરમ મહોત્સવ

કેરળના મૂખ્ય તહેવારો પૈકી એક છે ત્રીશૂર પૂરમ. જેમાં ખાસ કરીને ભગવાન શિવની પૂજા કરવામાં આવે છે. આ ઉત્સવ મે મહિનામાં કેરળન પ્રસિદ્ધ મંદિર વડકુંકનાથમાં મનાવામાં આવે છે. જેમાં ભાગ લેવા માટે દેશ-વિદેશથી મોટી સંખ્યામાં ભક્તો આવે છે. 36 કલાક ચાલતી પૂજામાં શાનદાર આતશબાજી થાય છે. તો 50 શણગારેલા હાથી ડ્રમન તાલે રસ્તા પર નૃત્ય કરતા ભવ્ય શોભાયાત્રા નીકળે છે.

કયારે?
13 મે 2019

ક્યાં?
વડકુંકનાથ મંદિર, થ્રિસૂર કેરળ

ધુંગરી મેલા

હિડિંબા દેવીનો જન્મોત્સવનો મેળો દર વર્ષે 14મેથી 16મે દરમિયાન આયોજીત થાય છે. આ દિવસે મનાલીનો નજારો ખૂબ જ સુંદર હોય છે. જેમાં તમામ દેવી-દેવાતાઓની મૂર્તીઓ સામેલ હોય છે. સ્થાનીક લોકો દ્વારા લોકનૃત્ય કરવામાં આવે છે.

ક્યારે?
14-16 મે દરમિયાન

ક્યાં?
હિડંબા મંદિર, મનાલી, હિમાચલ પ્રદેશ

ઊટી સમર ફેસ્ટિવલ

ઊટી તામિલનાડુનું એક ખૂબ જ સુંદર હિલ સ્ટેશન છે અને સમર ફેસ્ટિવલ દરમિયાન તે વધુ સુંદર બની જાય છે. જેમાં ગુડાલૂરનો સ્પાઈસ શો, કોટાગીરીનો નેહરું પાર્કનો વેજિટેબલ શો, ગવર્મેન્ટ રોઝ ગાર્ડનો રોઝ શો, કુન્નૂર સિમ પાર્કનો ફ્રૂટ શો અને ઊટીનો બોટેનિકલ ગાર્ડન ફ્લાવર શો સૌથી ખાસ છે.

ક્યારે?
17-21 મે 2019

ક્યાં?
ઊટી તામીલનાડુ

માઉંટ આબુ સમર ફેસ્ટિવલ

માઉંટ આબુ સમર ફેસ્ટિવલમાં આવીને તમે લોક નૃત્ય અને સંગીતનો જબરજસ્ત તાલમેલ જોઈ શકો છો. આ ઉપરાંત નક્કી લેક પર બોટ રેસિંગ, રોલર સ્કેટિંગ જેવી એક્ટીવિટી પણ હોય છે. તેમજ ભારતના ખૂણે ખૂણેથી આવેલ કલાકારો દ્વારા સાંજે રજૂ કરવામાં આવતી કવ્વાલી એક અલગ જ સમાં તૈયાર કરે છે.

ક્યારે?
17-18 મે 2019

ક્યાં?
માઉન્ટ આબુ, રાજસ્થાન

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2UNb4kx