ગુજરાતી નાટકો અને ફિલ્મોનો એક્ટર પ્રેમ ગઢવી કરશે મરાઠી ફિલ્મમાં ડેબ્યૂ

મરાઠી ફિલ્મ ઈન્ડસ્ટ્રીમાં ડેબ્યૂ કરશે પ્રેમ ગઢવી

મુક્તિ જૈન: ગુજરાતી કલાકાર પ્રેમ ગઢવી આજકાલ ખૂબ ખુશ છે. તેના ગુજરાતી નાટક ‘યુનાઈટેડ સ્ટેટ્સ ઓફ પાડાની પોળ’ને વિવેચકો તરફથી ભારોભાર પ્રશંસા મળી છે. સૌમ્ય જોષીના નાટક ‘વેલકમ જિંદગી’માં લાઈટ ડિપાર્ટમેન્ટ સંભાળતા પ્રેમ ગઢવી પાસે ખુશ થવાનું વધુ એક કારણ છે. પ્રેમ મરાઠી ફિલ્મોમાં ડેબ્યૂ કરવા જઈ રહ્યો છે. ‘ઓહ માય ગોસ્ટ’ નામની હોરર કોમેડી ફિલ્મમાં પ્રેમ જોવા મળશે. ‘ઓર્ડર ઓર્ડર આઉટ ઓફ ઓર્ડર’, ‘પોલમપોલ’, ‘વિટામિન શી’, ‘દોડ પકડ’ અને ‘ચોર બની થનગાટ કરે’ જેવી ગુજરાતી ફિલ્મોમાં અભિનય કરી ચૂકેલો પ્રેમ પ્રથમેશ પારબ સાથે કામ કરશે. પ્રથમેશ પારબ મરાઠી ફિલ્મોનું જાણીતું નામ છે. તેમણે ‘બાલક પાલક’ અને ‘ટાઈમપાસ’ જેવી મરાઠી ફિલ્મ અને હિંદી ફિલ્મ ‘દ્રશ્યમ’માં કામ કર્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આ વર્ષે રીલિઝ થઈ શકે ફિલ્મ

મરાઠી ફિલ્મમાં પ્રેમ ગુજરાતીનું પાત્ર ભજવશે. પ્રેમે જણાવ્યું, “ઔરંગાબાદમાં 15 દિવસનું ફિલ્મનું શૂટિંગ શિડ્યુલ હતું. હાલ ડબિંગ ચાલી રહ્યું છે. આ વર્ષે ફિલ્મ રીલિઝ થઈ શકે છે. મારું પાત્ર મુખ્ય પાત્રો પૈકીનું એક છે. હાલ તો હું મારા રોલ વિશે આટલું જ કહીશ કે તે હિંદી, ગુજરાતી અને મરાઠી બોલી શકે છે.”

મરાઠી ભાષા શીખ્યો પ્રેમ?

પ્રેમ ગઢવીએ મરાઠી ભાષાની તાલીમ લીધી છે કે નહિ? તે અંગે જણાવતાં એક્ટરે કહ્યું, “હું મુંબઈમાં રહ્યો છું અને મેં મરાઠી ફિલ્મો તેમજ નાટકો જોયા છે. બાળપણમાં પણ હું મરાઠી ભાષા સાથે પરિચિત હતો કારણકે મારા પાડોશી મહારાષ્ટ્રના હતા. જો કે, ઉચ્ચારણો, છટા અને ડાયલોગ ડિલિવરી વ્યવસ્થિત થાય તે માટે મેં ઔરંગાબાદમાં 3 દિવસ મરાઠીની તાલીમ લીધી હતી.”

કેવો રહ્યો અનુભવ?

મરાઠી ફિલ્મ ઈન્ડસ્ટ્રીમાં કામ કરવાનો અનુભવ જણાવતા પ્રેમ ગઢવીએ કહ્યું, “શરૂઆતમાં હું થોડો નર્વસ હતો. તેઓની કામ કરવાની પદ્ધતિ અલગ છે. પરંતુ તેમણે મને જરા પણ તકલીફ પડવા ન દીધી એટલે મને ખબર જ ના પડી કે હું ઔરંગાબાદમાં શૂટિંગ કરું છું કે અમદાવાદમાં.”

from Dhollywood News in Gujarati: Latest Dhollywood News, Read Breaking Dhollywood News – Page Array – I Am Gujarat http://bit.ly/2JcY2ug
via IFTTT