ભારતની વર્લ્ડકપ ટીમમાં ગૌતમને દેખાય છે આ ‘ગંભીર’ ભૂલ

ભારતની વર્લ્ડકપ ટીમમાં ગંભીરને દેખાઈ આ ખામી

ક્રિકેટથી રાજકારણમાં પ્રવેશેલા પૂર્વ ઓપનર ગૌતમ ગંભીરનું માનવું છે કે, ભારતીય વર્લ્ડ કપ ટીમમાં એક ફાસ્ટ બોલર ઓછો છે. બે વખતની વર્લ્ડ ચેમ્પિયન ટીમ 5 જૂનના રોજ સાઉથેમ્પટન ખાતે ટૂર્નામેન્ટમાં પોતાની પ્રથમ મેચ રમશે. ગંભીરે કહ્યું, ‘મને લાગે છે કે, ભારતીય ટીમમાં વધુ એક ફાસ્ટ બોલરની જરૂર છે. જસપ્રીત બુમરાહ, મોહમ્મદ શમી અને ભુવનેશ્વર કુમારને વધુ સપોર્ટની જરૂર છે. તમે કહી શકો છો કે, આ ખોટ ઑલરાઉન્ડર હાર્દિક પંડ્યા અને વિજય શંકર પૂરી કરી શકે છે પણ હું પૂરી રીતે આશ્વસ્ત નથી.’

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

યોગ્ય સંયોજન હોવું ખૂબ જરૂરી

તેણે કહ્યું, ‘વર્લ્ડ કપ જેવી મોટી ટૂર્નામેન્ટમાં ટીમ સંયોજન યોગ્ય રાખવું મહત્વનું છે.’ વર્લ્ડ કપ વિનર બેટ્સમેને ક્રિકેટ રેટિંગ ઈન્ટરનેશનલ એવોર્ડ્ઝ 2019માં પોતાના સંબોધનમાં આ વાત કહી. ગંભીર પૂર્વ દિલ્હીની લોકસભા સીટથી ભાજપ માટે ચૂંટણી લડી રહ્યો છે.

દરેક ટીમો વચ્ચે થશે ટક્કર, ગંભીરે ફોર્મેટની પ્રશંસા કરી

વર્લ્ડ કપ વિશે તેણે કહ્યું, ‘આ ટૂર્નામેન્ટ સારી હશે કારણ કે, તમામ ટીમો એકબીજા સામે રમશે. આ ફોર્મેટમાં આપણને સાચો વર્લ્ડ ચેમ્પિયન મળશે અને મને લાગે છે કે, ICCએ આગળ પણ આ ફોર્મેટ જાળવી રાખવું જોઈએ.’ ટૂર્નામેન્ટની મુખ્ય ટીમો વિશે પૂછાતા તેણે ભારત, ઑસ્ટ્રેલિયા, ઈંગ્લેન્ડ અને ન્યૂઝીલેન્ડનું નામ લીધું.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2JnuMSI