‘હેરા ફેરી’ના પ્રોડ્યુસરને ત્રણ મહિનાની જેલની સજા, જાણો શું છે મામલો?

સુપરહિટ ફિલ્મ્સને કરી છે પ્રોડ્યૂસ

મુંબઈઃ ‘હેરાફેરી’, ‘આવારા પાગલ દિવાના’ અને ‘વેલકમ’ જેવી અનેક હિટ ફિલ્મ્સના પ્રોડ્યૂસર ફિરોઝ નડિયાદવાલાને ત્રણ મહિનાની જેલની સજા થઈ છે. તેમને આ સજા નાણાંકિય વર્ષ 2009-10માં નિયત સમયમર્યાદાની અંદર ટીડીએસનું પેમેન્ટ ન કરવાના કારણે સજા સંભળાવવામાં આવી છે.

3 મહિનાની જેલની સજા

એડિશનલ ચીફ મેટ્રોપોલિટન મેજિસ્ટ્રેટ આર.એસ.સરકલેએ નડિયાદવાલાને ઈન્કમટેક્સ એક્ટના નિયમો હેઠળ દોષી જણાવ્યા અને તેમને 8.56 લાખ રુપિયાના ટીડીએસના પેમેન્ટ માટે મોડું થવાના કારણે ત્રણ મહિનાની જેલની સજા સંભળાવી હતી.

ઈન્કમટેક્સ ઓફિસરે કરી હતી ફરિયાદ

નોંધનીય છે કે એક ઈન્કમ ટેક્સ અધિકારીએ વર્ષ 2014માં ફિરોજ નડિયાદવાલા સામે ફરિયાદ દાખલ કરી હતી. અધિકારીના જણાવ્યાનુસાર નડિયાદવાલાએ નક્કી કરેલી સમયમર્યાદામાં ટીડીએસ શા માટે ન ચૂકવ્યો તે પાછળનું કોઈ કારણ નહોતું જણાવ્યું. આ વિશે જ્યારે ફિરોઝ સાથે વાત કરવાની કોશિશ થઈ તો તેમણે એવું કહીને જવાબ આપવાનો નનૈયો ભણ્યો હતો કે મામલો હજુ કોર્ટમાં છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2ITBkZ5