લગ્નને લઈને અર્જૂન કપુરે કરી સ્પષ્ટતા, કહ્યું દુનિયાને આમંત્રણ આપીશ

લગ્નને લઈને કરી આ સ્પષ્ટતા

મુંબઈઃ બોલિવૂડ એક્ટર અર્જૂન કપુરે પોતાના લગ્નને લઈને સ્પષ્ટતા કરી દીધી છે. હાલમાં તે મલાઈકા અરોરા સાથે રિલેશનશીપને લઈને ચર્ચામાં છે ત્યારે તેણે આ પ્રકારની સ્પષ્ટતા કરી છે. રિપોર્ટ અનુસાર તે મલાઈકા અરોરા સાથે લગ્ન કરી શકે છે. અર્જૂન કપુરે કહ્યું કે, જ્યારે પણ લગ્ન કરીશ દુનિયાને આમંત્રણ આપીશ. આ ઉપરાંત આ અંગે દરેકને જાણ કરીશ. હાલમાં લગ્ન કરવાનું કોઈ આયોજન નથી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

છુપાવવાનું કોઈ કારણ નથી

પોતાના લગ્નની વાત અંગે સ્પષ્ટતા કરતા અર્જૂને ઉમેર્યું હતું કે, લગ્નને લઈને કંઈ છુપાવવા જેવું નથી. છુપાવવાનું કોઈ કારણ પણ નથી. હું મારા વિશે કંઈ છુપાવતો નથી ત્યારે લગ્નની વાત લોકોથી શા માટે છુપાવું. હાલમાં તો હું કામ કરી રહ્યો છું. તેથી લગ્નને લઈને કોઈ પ્લાનિંગ નથી. દુનિયા મારા વિશે શું વિચારે છે, શું બોલે છે એનાથી મને કોઈ ફર્ક પડતો નથી. સમય આવ્યા પહેલા તે કામ કરવું એ યોગ્ય નથી. હું મારી રિલેશનશીપને લઈને સતત ચર્ચામાં છું. પણ મને લોકોની કોઈ વાતથી કોઈ ફેર પડતો નથી.

આ ફિલ્મ આવી રહી છે

હાલમાં અર્જૂન કપુરની ફિલ્મ ઈન્ડિયાઝ મોસ્ટ વોન્ટેડ આવી રહી છે. આ ફિલ્મને લઈને તે વ્યસ્ત છે. થોડા દિવસો પહેલા આ ફિલ્મનું એક ગીત રીલિઝ થયું હતું. આ ફિલ્મનું ટ્રેલર રીલિઝ થઈ ચૂક્યું છે. જેને લોકો પસંદ કરી રહ્યા છે. આ ફિલ્મમાં અર્જૂન કપુરનો એક અનોખો અંદાજ જોવા મળી રહ્યો છે. આ ફિલ્મમાં તે એક અલગ અવતારમાં જોવા મળશે. જોકે, શ્રીદેવીની પુત્રી અંગે તેણે કોઈ વાત કહી નથી. પણ તે પરોક્ષ રીતે બંનેને ખૂબ સપોર્ટ કરી રહ્યો છે એવું એક રિપોર્ટમાંથી જાણવા મળ્યું હતું.

અમે એકબીજીની ખૂબ નજીક છીએ

જ્યારે શ્રીદેવીએ વિદાય લીધી ત્યારે પણ તેણે ખુશી અને જાહ્નવીને ખૂબ સપોર્ટ કર્યો હતો. અર્જૂને ઉમેર્યું હતું કે, અમે એકબીજાથી ખૂબ નજીક છીએ અને હું બનેને ખૂબ સપોર્ટ કરું છું. અમે વોટ્સએપથી પણ જોડાયેલા છીએ. જોકે, સમયાંતરે અર્જૂન બોની કપૂરના કોઈ કાર્યક્રમમાં જોવા મળે છે. ત્યારે તે પરિવારના ખબરઅંતર પૂછે છે. ફિલ્મની વાત કરવામાં આવે તો છેલ્લે તેની ફિલ્મ નમસ્તે ઈગ્લેન્ડ આવી હતી. જેમાં તેની સાથે પરિણિતી ચોપરાએ પાત્ર અદા કર્યું હતું.

 

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2JaueiL