તમને ખ્યાલ છે મલાઈકા અરોરા હેલ્ઘી અને ફીટ રહેવા માટે શું ખાય છે?

કોઈ ચોક્કસ ડાયેટ પ્લાન નથી

બોલિવૂડ એક્ટ્રેસ મલાઈકા અરોરા અર્જૂન કપૂર સાથેની રિલેશનશીપને લઈને ચર્ચમાં છે. આ ઉપરાંત તે પોતાની ફીટનેસને લઈને પણ ખૂબ ચર્ચામાં રહે છે. મલાઈકાને બોલિવૂડની સુપરફીટ એક્ટ્રેસ માનવામાં આવે છે. હેલ્થી અને ફીટનેસની વાત આવે ત્યારે સ્વાભાવિક છે કે ડાયેલપ્લાનની વાત તો હોય જ. પણ જાણીને નવાઈ લાગશે કે, મલાઈકા ફીટ રહેવા માટે ખાસ કોઈ પ્રકારનો ડાયેટ પ્લાન ફોલો કરતી નથી. તે બધા ટેસ્ટને એન્જોય કરે છે પણ તે ડીશની માત્રા મર્યાદિત હોય છે. ગોર્જિયસઃ ઈટ વેલ, લુક ગ્રેટ. નામની બુકમાં તેણે લખ્યું છે કે, હું કોઈ ચોક્કસ ડાયેટમાં માનતી નથી. ડાયેટ માટે મારા કેટલાક સિદ્ધાંતોને અનુસરુ છુંય

ફીટ રહેવા માટે આ ફૂડ ખાય છે

જ્યારે તે કોઈ પ્રવાસમાં હોય છે ત્યારે અચૂક તે ડેટોક્સ ડ્રિંક્સનું સેવન કરે છે. આ ડ્રિંક્સ તે ઘરેથી તૈયાર કરીને બોટલમાં કાયમ સાથે જ રાખે છે. જ્યારે જ્યારે જરુર પડે ત્યારે તે પીવે છે. આ સિવાય તે ખૂબ જ પાણી પીવે છે. ડેટોક્સ ડ્રિંક્સ તે ઘરે બનાવે છે.

ઓટ્સ સ્મુથીઝ

મલાઈકાને ઓટ્સમાંથી બનેલી સ્મુથીઝ ખૂબ જ પ્રિય છે. તે અવારનવાર આ સ્મુથીઝ ખાય છે. જેમાં ચોક્કસ માત્રામાં મઘનું પ્રમાણ હોય છે. આ ઉપરાંત તેમાં ઘણા બઘા ડ્રાયફ્રુટ પણ નાંખ્યા હોય છે. ઓટ્સમાંથી કોઈ ફેટ મળતું નથી. પણ ફાયબર હોવાને કારણે પૂરતી શક્તિ મળી રહે છે.

ગુલાબ જાંબુ

મલાઈકાને ગુલાબ જાંબુ અતિ પ્રિય છે. તે અવારનવાર આ સ્વીટને બે હાથે ખાય છે. પરંતુ, આ માટેની તેની માત્રા નક્કી હોય છે. ભાવતું ભોજન વધુ જમી લેવાનું એવું નથી. જાંબુના પીસ નક્કી હોય છે.

ઘરનું જમવાનું

મલાઈકાને કુકિંગનો ખૂબ જ શોખ છે. પણ જ્યારે તેમને તેની કોઈ ફેવરિટ ડીશ પૂછવામાં આવે તો તે કહે છે તેને ઘરનું જમવાનું અને મમ્મીના હાથની રસોઈ ખૂબ જ ભાવે છે. ખાસ કરીને ઘરે બનાવેલા રાઈસ અને ફીશ રાઈસ તેના ફેવરીટ છે. અહીં પણ તે એક ડીશની માત્રાથી વધારે તે જમતી નથી.

સવારનો નાસ્તો

મલાઈકાના દિવસની શરુઆત યોગાથી થાય છે. યોગા કરીને તે પોતાના બોડીને ફીટ રાખે અને બોડીને સ્ટ્રેચ કરે છે. સવારના નાસ્તામાં તે મિક્સ ફ્રુટ ડીશ ખાય છે. તો ક્યારેક સવારના નાસ્તામાં ઈડલી, ઉપમા અને પૌવા પણ ખાય છે. તો ક્યારેક ઈંડા-બ્રેડ પણ ખાય છે. જેથી પૂરતું પ્રોટિન મળી રહે. તે ક્યારેય સવારનો નાસ્તો મિસ કરતી નથી.

સલાડ

તેના લંચમાં અચૂક સલાડ હોય છે અને ભાત હોય છે. બપોરના સમયે તે રીત ફૂલથાળી જમવામાં આવતી હોય છે એ જ થાળી તે જમે છે. રોટલી, દાળ, શાક, સલાડ અને ભાત. પણ આ માટેની માત્રા નક્કી હોય છે. રોટલી પણ વધુ પડતી હોતી નથી. મોટા ભાગના ડાયેટ કરનારા લોકો માટે શનિવાર અને રવિવાર ચીટ ડે હોય છે. પણ મલાઈકા આ દિવસોમાં પોતાને ભાવતું સ્વીટ ખાય છે. ખાસ કરીને ઓરેન્જ કેક. એ પણ ઘરે બનેલું હોય તો તો વાત જ ન પૂછો.

પીનટ બટર

જ્યારે તેને કોઈ નાસ્તા અંગે ઓફર કરવામાં આવે ત્યારે તે પીનટ બટર સાથેની સેન્ડવીચ ખાય છે. પણ એમાં કોઈ ચીઝ કે વ્હાઈટ બ્રેડ હોતી નથી. તે પ્લેન પીનટ બટર સેન્ડવીચ ખાય છે. આમ પણ પીનટ બટર સ્વાસ્થ્ય માટે સારું છે. જ્યારે તેના ડીનરની વાત કરવામાં આવે તો તે ડીનરમાં સલાડ અને સુપ લે છે. આ સિવાય કોઈ ફાસ્ટફૂડ ખાતી નથી. મોટા ભાગે તેમના સલાડમાં વેજિટેબલ્સ અને કઠોડ હોય છે. કસરત કર્યા બાદ દરરોજ કેળા ખાય છે અને ત્યાર બાદ કોઈ પણ પ્રોટિન શેક પીવે છે.

કસરત

મલાઈકા પણ જીમ લવર ગર્લ છે. શું ખાવ છો તેની સાથોસાથ તેનું પ્રમાણ પણ નક્કી હોવું જોઈએ. સાથોસાથ દરરોજ થોડી કસરત પણ કરવી જોઈએ. મલાઈકા માને છે કે, ચોક્કસ રીતે ડાયેટ ન કરો તો પણ એક ક્વોન્ટીટી ફિક્સ હોવી જોઈએ. જેથી કરીને બોડીનું વજન કાબુમાં રહે.

 

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2Q0gLdU