નવી દિલ્હી:શાકભાજી, માંસ, માછલી અને ઈંડાં સહિતના અનાજના ભાવમાં વધારાને કારણે રિટેલ ફુગાવો 2.92 ટકાની છ મહિનાની ટોચની સપાટીએ પહોંચ્યો હતો એમ સત્તાવાર ડેટામાં જણાવાયું છે.
માર્ચમાં આ આંક 2.86 ટકા અને એપ્રિલ 2018માં 4.58 ટકા હતો. એપ્રિલ 2019ના ફુગાવાનો આંક ઓક્ટોબર 2018 પછીનો સૌથી ઊંચો છે, જ્યારે આ દર 3.38 ટકા હતો. ફૂડ બાસ્કેટનો ફુગાવો 1.1 ટકા હતો. શાકભાજીના ભાવ 2.87 ટકા વધ્યા હતા. જોકે એપ્રિલ મહિનામાં ફળનો ભાવ ઘટ્યો હતો. ફ્યુઅલ અને લાઇટ કેટેગરીમાં ભાવ 2.42 ટકાથી વધીને 2.56 ટકા થયો હતો.
મહત્ત્વના પોલિસી રેટ નક્કી કરતી વખતે રિઝર્વ બેન્ક મુખ્યત્વે ગ્રાહક ફુગાવો આધારિત દરને ધ્યાનમાં લે છે. આરબીઆઇના ગવર્નરના વડપણ હેઠળની મોનેટરી પોલિસી કમિટી જૂન મહિનાના પ્રારંભમાં ધિરાણનીતિ નક્કી કરશે. સરકારે આરબીઆઇને રિટેલ ફુગાવો ચાર ટકાની આસપાસ રહે તેવાં પગલાં લેવા નિર્દેશ આપ્યો છે. ક્રિસિલ રિસર્ચની ધારણા પ્રમાણે રિટેલ ફુગાવો ચાલુ નાણાંકીય વર્ષમાં 2018-19ના 3.4 ટકાથી 60 બેસિસ પોઇન્ટ વધીને ચાર ટકા થવાની ધારણા છે.
એનએસએસઓના ફિલ્ડ ઓપરેશન્સ ડિવિઝન દ્વારા પસંદગીના શહેરો અને ગામડાંમાંથી ભાવનો ડેટા ભેગો કરવામાં આવે છે, જેને આધારે ફુગાવાનો આંક તૈયાર થાય છે.
from Page Array – I Am Gujarat http://bit.ly/2VWVEyM
No comments:
Post a Comment