તો આજે ‘મન્નત’નો માલિક શાહરુખ નહીં સલમાન ખાન હોત!

આજે ‘મન્નત’નો માલિક સલમાન હોત

બોલિવૂડ ઈન્ડસ્ટ્રીમાં શાહરુખ ખાનનું નામ કોઈ ઓળખનું મોહતાજ નથી. તેનો બંગલો ‘મન્નત’ પણ ખૂબ જ લોકપ્રિય છે. શાહરુખના આ ઘરની કિંમત આશરે 200 કરોડ રૂપિયા છે. દરિયા કિનારા આવેલા શાહરુખના આ ઘર પર પહેલા સલમાનની નજર હતી. જી હા, સલમાન ખાન પોતે કહે છે કે, શાહરુખથી પહેલા સલમાને આ ઘર ખરીદી લીધું હોત જો તેને તેના પિતા સલીમ ખાને એક સવાલ ન પૂછ્યો હોત.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પિતાના આ સવાલે સલમાનને ‘મન્નત’ ખરીદતા ન દીધો

સલમાનને તેના પિતાએ પૂછ્યું હતું કે, ‘તુ આટલા મોટા ઘરનું કરીશ શું?’ તેણે પિતાની આ સલાહને ગંભીરતાથી લેતા આ ઘર ખરીદવાનો વિચાર માંડી વાળ્યો. ત્યારબાદ શાહરુખે આ બંગલો ખરીદી લીધો. સલમાનના પિતાએ જેવો સવાલ તેને કર્યો હતો તેવો જ સવાલ સલમાન શાહરુખને કરવા માગે છે કે, ‘તું આટલા મોટા ઘરનું શું કરે છે?’

શાહરુખે આટલું મોટું કેમ ખરીદ્યું?

શાહરુખે પણ એક રેડિયો પર વાત કરતા જણાવ્યું હતું કે, ‘હું દિલ્હીથી આવ્યો છું અને દિલ્હીવાળાઓના દિલમાં કોઠીનો કૉન્સેપ્ટ પણ હોય છે. મુંબઈમાં અપાર્ટમેન્ટમાં રહેવાનો કૉન્સેપ્ટ છે. દિલ્હીમાં જેઓ વધારે પૈસાદાર નથી તે પણ કોઠી અથવા નાનો બંગલો ખરીદવાનો પ્રયત્ન કરે છે. હું અને ગૌરી શરૂઆતમાં દિલ્હી આવ્યા ત્યારે એક નાનકડા એપાર્ટમેન્ટમાં રહેતા હતા. જ્યારે ગૌરીના ઘરવાળા આવ્યા ત્યારે તેમણે અમને કહ્યું હતું કે, ‘તમે આટલા નાના ઘરમાં કેવી રીતે રહો છો? ત્યારબાદ મેં પહેલીવાર જ્યારે મન્નત જોયો ત્યારે મારા દિમાગમાં દિલ્હીની કોઠી જ આવી હતી. પછી મેં મન્નત ખરીદવાનો નિર્ણય લીધો.’

ઈદ પર આવી રહી છે ‘ભારત’

જણાવી દઈએ કે, સલમાનની ‘ભારત’ ટૂંક સમયમાં થિએટર્સમાં રિલીઝ થવા જઈ રહી છે સલમાન પોતાના ફેન્સ માટે ઈદ નિમિત્તે આ ફિલ્મ લઈને આવી રહ્યો છે. ફિલ્મમાં કેટરીના, દિશા પટની, સુનીલ ગ્રોવર, તબ્બુ, જેકી શ્રોફ જેવા મોટા સ્ટાર્સ મહત્વની ભૂમિકામાં છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WvopTp