ગરમીથી કંટાળ્યા હોવ તો આ જગ્યા છે ફરવા માટે પર્ફેક્ટ. પ્રકૃતિને માણવાની મોજ પડશે

ઈન્ટરનેશનલ ફ્લાવર ફેસ્ટિવલ

ગરમીની સિઝનમાં લોકો શહેરના ઘોંઘાટ અને પ્રદુષણથી કંટાળીને કોઈ પહાડી વિસ્તારમાં ફરવા માટે જતા હોય છે. જેમાં બરફના પ્રદેશો અને ટ્રેકિંગ પોઈન્ટ મુખ્ય હોય છે. પહાડની વચ્ચે પણ એક રાજ્ય આવેલું છે જેનું નામ છે સિક્કિમ. દેશના પૂર્વી રાજ્ય પૈકીનું એક આ રાજ્યનું ગંગટક સિટી ખાસ ફરવા જેવું છે. જ્યાં મે મહિનામાં ખાસ ઈન્ટરનેશનલ ફ્લાવર ફેસ્ટિવલનું આયોજન થાય છે. કેટલીક ફરવાની પ્લેસની સાથોસાથ અમુક રોમેન્ટિક પ્લેસ પણ છે. જ્યાં માત્ર થોડી વાર માટે ચાલીને જવાથી પણ કપલ્સને મજા પડી જાય. આ સિવાય જુલુક, સોમગો અને રવંગલા જેવા સ્થાન પર આંટો મારવો જેવો છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ચાંગુ લેક

સમુદ્ર સપાટીથી 33750 મીટરની ઊંચાઈ પર આવેલા આ લેક પ્રવાસીઓ માટે ખાસ આકર્ષણનું કેન્દ્ર છે. જે ગંગટકથી 40 કિમી દૂર છે. જ્યારે નાથુ લા રોડ પર આગળ જવામાં આવે ત્યારે આ જગ્યા રસ્તામાં આવે છે. આ લેકની સૌથી ખાસ વાત એ છે કે, આ લેકની આસપાસનો કુદરતી નજારો માણવા લાયક છે. બરફના પહાડ દરેકને મંત્રમુગ્ધ કરી દેશે. ઠંડી અને પ્રાકૃતિક સૌદર્ય આ જગ્યાને ખૂબ સ્પેશ્યલ બનાવે છે.

રમટેક મોનેસ્ટી

આ સિક્કિમની સૌથી જાણીતી મોનેસ્ટી છે. સિક્કિમ આવતા દરેક પ્રવાસીઓ અહીં એક વખત ભૂલ્યા વગર આવે છે. જે ગંગટકથી 24 કિમી દૂર છે. બોદ્ધ ધર્મના અનુયાયીઓના સૌ જૂના સંપ્રદાયોમાંથી એક બ્લેકહેટ સંપ્રદાયનું આ મુખ્ય સ્થાનક છે. અહીંથી એક રસ્તો ગોલ્ડન સ્તૂપ સુધી જાય છે. જેનું નિર્માણ સોના, ચાંદી અને કિંમતી પથ્થરોમાંથી કરવામાં આવ્યું છે. આ સિવાય અહીં મોન્ક ક્વાર્ટર, મોનેસ્ટીક કૉલેજ અને નનરી એટલે કે જનાના મઠ પણ જોવા જેવા છે.

નાથુ લા પાસ

ભારત અને ત્તિબેટ વચ્ચે નાથુ લા પાસ સમુદ્ર સપાટીથી 4200 મીટરની ઊંચાઈ પર છે. ચાંગુલેકથી નાથુ લા પાસનું અંદર 18 કિમી છે. અહીં કાયમી ધોરણે ખૂબ જ ઠંડી રહે છે. તબિયત જવાબ દે એ પહેલા અહીંથી નીકળવું પડે છે. અહીં એક કલાકથી વધારે રોકાવાતું નથી. આ પછી નોર્થ સિક્કિમ તરફ આગળ વધી શકાય છે. જે સિક્કિમની સૌથી સુંદર જગ્યા છે.

લાચુંગ

જો કે એવા સ્થળે જવું હોય કે જ્યાં કોઈ ભીડ ન હોય અને શાંતિ હોય તો લાચુંગ અચૂક આંટો મારવો જેવો છે. અહીં આવતા મોટા ભાગના કપલ્સ અહીં આંટો મારવા માટે આવે છે. લાચુંગ લાચેન અને લાચુંગ નદીના કિનારે સ્થિત છે.

ખેચિયોપલેરી

પેલિંગ યુક્સોમ રોડ પર આગળ વધતા ખેચિયોપલેરી આવે છે. અહીં એક મોટું તળાવ છે. બૌદ્ધ ધર્મના અનુયાયીઓ આ લેકને ખૂબ પવિત્ર માને છે. એક નાનકડી ધાટીની વચ્ચે આ તળાવ આવેલું છે. તળાવની આસપાસ લીલુંછમ જંગલ અને વચ્ચે અફાટ જળસંપત્તિ. અહીંનું પાણી ખૂબ જ સ્વચ્છ હોવાને કારણે લોકો અહીં આવે છે.

ગંગટક

સિક્કિમની રાજધાની ગંગટક એક બેસ્ટ સિટી છે. અહીંનો કુદરતી નજારો અને આસપાસના જોવા લાયક સ્થળો ટુરને યાદગાર બનાવી દેશે. ખાસ કરીને મે અને જૂન મહિનામાં ઠંડી થોડી સહન કરી શકાય એમ હોય છે. જ્યારે શિયાળામાં અહીં તાપમાન માઈનસ સુધી પહોંચી જાય છે.

 

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat http://bit.ly/2JrdAuF