કંગાનાની બહેન રિતિક પર બગડી, કહ્યું- ‘હવે તુ જો બેટા, તારા શું હાલ થશે’

રિતિક પર બગડી કંગનાની બહેન

કંગના રનૌત અને રિતિક રોશનનો વિવાદ ઘણો જૂનો છે. બંનેની ફિલ્મ મેન્ટલ હૈ ક્યા અને સુપર 30ની રિલીઝિંગ ડેટ ક્લેશ થવાને લઈને આ વિવાદ ફરીથી બહાર આવી રહ્યો છે. આ મામલે હવે કંગનાની બહેન રંગોળીએ રિતિક રોશન પર નિશાન સાધ્યું છે. રંગોળીએ પોતાના સોશિયલ મીડિયા એકાઉન્ટ પર ઘણી પોસ્ટ કરી અને રિતિક પર કંગના વિરુદ્ધ નેગેટિવ પીઆર કેમ્પેઈન ચલાવવાનો આરોપ છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ટ્વીટ કરીને ગુસ્સો વ્યક્ત કર્યો

રંગોલીએ પોતાના ટ્વીટર એકાઉન્ટ પર લખ્યું, ‘આવા વ્યક્તિથી શું આશા રાખી શકો જે યુદ્ધ માટે મળવાના બદલે પીઠ પર વાર કરવાનું પસંદ કરે છે. જેટલો તુ અને તારું પીઆર કંગનાને નીચે પાડવાનો પ્રયાસ કરશો તે એટલી જ મારશે. અત્યાર સુધી તે આ વિશે નહોતી વિચારતી પરંતુ હવે તુ જો… જાદૂ.’ અન્ય એક ટ્વીટમાં રંગોલી કહે છે, તુ પોતાના ચિલ્લર પીઆર પાસેથી ટ્વીટ કરાવે છે, તે એક ઈન્ટરવ્યૂ આપશે અને તું ચિત્ત થઈ જઈશ.

ફિલ્મ રિલીઝ મુદ્દે આપી ધમકી

રંગોલી આટલે જ નથી અટકતી અને રિતિકને ચેતવણી આપી દીધી, ‘બાલાજી શું કંગના રનૌતનું પ્રોડક્શન હાઉસ છે જો તે જ્યારે ઈચ્છે ત્યારે ફિલ્મ રિલીઝ કરે. પરંતુ પપ્પુ તો પપ્પુ હોય છે. કોમન સેન્સ જ નથી. હવે જો બેટા, તારા શું હાલ થાય છે.’

કંગના અને રિતિકની ફિલ્મ એક જ દિવસે થશે રિલીઝ

ઉલ્લેખનીય છે કે હાલમાં જ કંગના રનૌતની ફિલ્મ ‘મેન્ટલ હૈ ક્યા’ની રિલીઝ ડેટ બદલી નખાઈ છે. હવે તે 21 જૂનના બદલે 26 જૂને રિલીઝ થશે. તો 26 જૂને જ રિતિકની ફિલ્મ સુપર 30 પણ રિલીઝ થવાની છે. રિલીઝ ડેટને લઈને મેન્ટલ હૈ ક્યાના મેકર્સે લખ્યું, મેન્ટલ હૈ ક્યાના બોક્સ ઓફિસ પર 26 જુલાઈએ અન્ય ફિલ્મો સાથે ક્લેશ થવાની અટકળો તેજ છે. ફિલ્મ રિલીઝ ડેટમાં ફેરફાર ડિસ્ટ્રીબ્યૂટર્સ, ટ્રેડ એનાલિસ્ટ, ઉચ્ચ સ્તરિય રિસર્ચ ટીમના સૂચન બાદ લેવાયો છે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2JthyTB