કલંકના આ ગીત પર ડાન્સ કરવા લાગ્યો એવેન્જર્સનો સ્પાઈડર મેન અને થૈનોસ

ઋષિ કપૂરે પોસ્ટ કર્યો વિડીયો

હોલિવૂડ ફિલ્મ એવેન્જર્સ ભારતીય બોક્સ ઓફિસ પર ધમાકેદાર કમાણી કરી રહી છે. આ ફિલ્મે રીલિઝ થયાના એક અઠવાડિયામાં આશરે 260 કરોડ રુપયાનો વકરો કરી લીધો છે. આ પરથી કહી શકાય છે કે, લોકોનો આ ફિલ્મને લઈને ઉત્સાહ સાતમા આસમાને છે. સામાન્ય પ્રજામાં જ નહીં પણ બોલિવૂડના કલાકારોમાં પણ આ ફિલ્મનો ક્રેઝ જોવા મળ્યો હતો. ન્યૂયોર્કમાં પોતાની સારવાર કરાવતા કલાકાર ઋષિ કપૂરે ફિલ્મ એવેન્જર્સના વિલન થૈનોસ અને સ્પાઈડરમેનનો એક ટિકટોક વિડીયો પોતાના ટ્વિટર પર પોસ્ટ કર્યો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

કલંકના ગીત પર હોલિવૂડ સુપરહીરોનો ડાન્સ

Avengers get to Mumbai shores. Go Thanos go! pic.twitter.com/kUPrpYjisH

— Rishi Kapoor (@chintskap) May 1, 2019

આ વિડીયોમાં ફિલ્મ કલંકના એક ગીત પર આ સુપરહીરો ડાન્સ કરી રહ્યા છે. આ વિડીયો પોતાના ટ્વિટર પર પોસ્ટ કરતા ઋષિ કપૂરે લખ્યું હતું કે, એવેન્જર્સ મુંબઈના સમુદ્ર કિનારે પહોંચી ગયા. ગો થૈનોસ ગો. એવેન્જર્સ એન્ડ ગેમે કમાણીના મામલે એક નવો રેકોર્ડ બનાવ્યો છે. દુષણોને ડામવા અને પોતાના લોકોને દુનિયામાં ફરી લાવવા તથા દુનિયામાં ભલાઈ સ્થાપિત કરવાની પહેલી કરતી આ હોલિવૂડ ફિલ્મ એવેન્જર્સ એક રીતે 22 ફિલ્મોનો અંત છે. જેમાં 22 ફિલ્મોના પાત્રોને સ્થાન આપવામાં આવ્યું છે. ફિલ્મના અંત સુધીમાં લોકો રડવા લાગ્યા હતા.

ઋષિ કપૂરે કરી આ જાહેરાત

ન્યૂયોર્કમાં પોતાની બીમારીનો ઈલાજ કરાવી રહેલા ઋષિ કપૂરે કહ્યું હતું કે, હવે તેઓ કેન્સર ફ્રી થઈ ગયા છે. તેણે ઉમેર્યું હતું કે, હવે બોન મૈરો ટ્રાન્સપ્લાન્ટ કરાવવાનું છે. જે માટે બે મહિના સુધીને સમય લાગશે. છેલ્લા 8 મહિનાથી તેઓ કેન્સર સામે લડતા હતા. આ સમય દરમિયાન તેણે પોતાના પરિવારમાંથી મળતા સપોર્ટ અંગે પણ વાત કહી હતી. ડેક્કન ક્રોનિકલને આપેલા એક ઈન્ટરવ્યૂમાં તેણે જણાવ્યું કે, મારા પર ભગવાનની કૃપા હતી. પત્ની નીતુ કપૂરને કારણે હું સ્વસ્થ થયો છું.

પરિવારથી નજીક લાવી દીધો

આ બીમારીને કારણે હું મારા પરિવારથી ખૂબ નજીક આવી ગયો છું. ખાસ કરીને સંતાનોથી ખૂબ લાગણી અનુભવી રહ્યો છું. કારણ કે જ્યારે પણ ખાવા-પીવાની વાત આવે છે ત્યારે મને કંટ્રોલ કરવું ખૂબ કઠિન હોય છે. રણબીર કપૂર અને રિદ્ધિમાએ આ કપરી સ્થિતિમાં મારો સાથ આપ્યો છે. આવનારા થોડા દિવસોમાં હું દેશ પરત ફરીશ.

 

 

from Page Array – I Am Gujarat http://bit.ly/2J9pXvn