દિશા પટણીએ કર્યો ખુલાસો, આ બાબતને લઈને ખૂબ જ ગંભીર છે ટાઈગર શ્રોફ

દિશા અને ટાઈગર લાંબા સમયથી રિલેશનશીપમાં!

ડિનર ડેટ હોય કે કોઈ ઈવેન્ટ દિશા પટણી અને ટાઈગર શ્રોફની કેમેસ્ટ્રી ઉડીને આંખે વળગે છે. આ કપલ એકબીજાને ડેટ કરતું હોવાની ચર્ચા લાંબા સમયથી છે. આ કપલ અવારનવાર સાથે સમય વિતાવતા જોવા મળે છે. જો કે બંનેએ ક્યારેય પોતાના સંબંધો ખુલીને નથી સ્વીકાર્યા. બંને એકબીજાને સારા ફ્રેંડ ગણાવે છે. આ બંને કપલ છે કે માત્ર મિત્રો તે તો સમય જ કહેશે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

એકબીજાના હંમેશા કરે છે વખાણ

ટાઈગર અને દિશા એકબીજાના વખાણ કરવાની કોઈ તક છોડતાં નથી. થોડા સમય પહેલા જ ટાઈગરે ‘સ્લો મોશન’ ગીતમાં દિશાના વખાણ કર્યા હતા. તો દિશા પણ ટાઈગરના વખાણ કરતાં થાકતી નથી. આગામી ફિલ્મ ‘ભારત’ના પ્રમોશનમાં દિશાએ ટાઈગર સાથેની લિંક-અપની ખબરોને અફવા ગણાવી.

આ બાબતે ટાઈગર દિશાથી આગળ

પ્રમોશન દરમિયાન દિશાએ ટાઈગરના વખાણ કરતાં કહ્યું, “અમારા બંનેમાં એક વસ્તુ સમાન છે. અમે બંને ખૂબ મહેનત કરીએ છીએ પણ ટાઈગર મારા કરતાં વધુ મહેનતુ છે. અમારું લક્ષ્ય ઊંચું છે અને અમે તેના માટે ગંભીર છીએ. જો કે હું કેટલીક બાબતોને એકદમ હળવાશમાં લઉં છું ત્યારે ટાઈગર એકદમ ઈન્ટેન્સ છે અને ક્યારેય હાર નથી માનતો.”

આ ફિલ્મોમાં જોવા મળશે ટાઈગર-દિશા

ફિલ્મની વાત કરીએ તો, ટાઈગર શ્રોફ પુનિત મલ્હોત્રાની ફિલ્મ ‘સ્ટુડન્ટ ઓફ ધ યર 2’ બાદ ‘બાગી 3’માં જોવા મળશે. આ ફિલ્મમાં તેની સાથે શ્રદ્ધા કપૂર હશે. આ સિવાય સિદ્ધાર્થ આનંદ ઋતિક રોશન અને ટાઈગર શ્રોફ સાથે યશરાજ ફિલ્મ્સના આગામી પ્રોજેક્ટ પર કામ કરી રહ્યા છે. દિશા પટણી ‘ભારત’ સિવાય સિદ્ધાર્થ રોય કપૂરની ફિલ્મ ‘મલંગ’માં જોવા મળશે.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2M5kqZO