મૂવી રિવ્યુઃ દે દે પ્યાર દે

સ્ટોરીઃ

લંડનમાં રહેતો મિડલ એજનો પૈસાદાર વ્યક્તિ તેનાથી અડધી ઊંમરની છોકરીના પ્રેમમાં પડે છે. મુશ્કેલી ત્યારે ઊભી થાય છે જ્યારે તે પોતાની ભૂતપૂર્વ પત્ની પાસે આ સંબંધ માટે મંજૂરી લેવાની કોશિશ કરે છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

રિવ્યુઃ

આશિષ મહેરા (અજય દેવગણ)ના મિત્ર રાજેશ (જાવેદ જાફરી)ને ખબર પડે છે કે તેનું દીકરીની ઉંમરની છોકરી આયેશા (રકુલ પ્રીત સિંહ) સાથે અફેર ચાલે છે તો તે આશિષને સલાહ આપે છે, “આ એજ ગેપ નહિ, જનરેશન ગેપ છે.” આ લવ અફેરમાં ક્યુટ રોમાન્સની ઘણી ચીજો છે. એકબીજાથી સાવ જુદી જ પર્સનાલિટીને પ્રેમમાં પડતા જોવાની મજા આવશે. આ ફિલ્મમાં અજય દેવગણ ટોપ ફોર્મમાં છે. ફિલ્મમાં તેને વારંવાર ‘બુઢ્ઢો’ કે ‘અંકલ’ કહેવાય ત્યારે દર્શકો હસવાનું રોકી નથી શકતા. 50 વર્ષની ઉંમરે પણ 20 વર્ષની છોકરી સાથે તેની કેમિસ્ટ્રી ખરાબ નથી લાગતી. રકુલનો કોન્ફિડન્સ અને ગ્લેમર અજય દેવગણની બરોબરી કરે તેવા છે.

દમદાર પરફોર્મન્સઃ

હંમેશાની જેમ આ ફિલ્મમાં તબ્બુએ પોતાનો રોલ ખૂબ જ સહજતાથી નિભાવ્યો છે. તેનું પરફોર્મન્સ અને એક્સપ્રેશન લાજવાબ છે. ફિલ્મમાં તબુની સુંદરતાને પણ પરદા પર સરસ રીતે દર્શાવાઈ છે. તબુનું કોમિક ટાઈમિંગ દર્શકોને પેટ પકડીને હસાવશે. ફિલ્મમાં અમુક નબળી કડીઓ છે જેમ કે ફિલ્મના લેખક લવ રંજન અને તરુણ જૈન તબુની ટેલેન્ટનો પૂરેપૂરો ફાયદો નથી ઉઠાવી શક્યા. તે આશિષે મંજૂને કેમ છોડી તેના પર પણ ખાસ પ્રકાશ નથી પાડવામાં આવ્યો.

વધુ સારી બની શકી હોતઃ

ફિલ્મના સેકન્ડ હાફમાં વિચિત્ર સંજોગો ઊભા થતા જાય છે જેને કારણે મતભેદ થાય છે. જો કે ડિરેક્ટર આકિવ અલીએ આધુનિક વિચારો અને જૂના નૈતિક મૂલ્યો વચ્ચે બેલેન્સ કરવાનો પ્રયત્ન કર્યો છે. અમુક મોટા મતભેદને અવિશ્વસનીય રીતે ઉકેલવામાં આવ્યા છે. જિમ્મી શેરગિલનું પાત્ર વધુ કન્ફ્યુઝન ઊભુ કરવા માટે જ જાણે લવાયું છે. જિમી સાથે વધુ કોમેડી સીન ઊભા કરી શકાયા હોત પણ આવું થયું નહિ.

કેવી છે ફિલ્મ?

ફિલ્મનું મ્યુઝિક અને ગીતો નબળા છે પરંતુ બેકગ્રાઉન્ડ સ્કોર મજબૂત છે. તે અનેક સીન્સને વધુ ચોટદાર બનાવે છે. ફિલ્મમાં મેચ્યોરિટીથી તલાક, લિવ ઈન અને એજ ગેપ રોમાન્સ જેવા મુદ્દા આવરી લેવાયા છે. ડાયરેક્ટરે ફિલ્મને અણધાર્યો ક્લાઈમેક્સ આપ્યો છે. ઓવરઓલ દે દે પ્યાર દે એક મજેદાર ફિલ્મ છે જે અવારનવાર એક જ મુદ્દાને હાઈલાઈટ કરે છે કે જ્યારે વાત પ્રેમની હોય, ઉંમર ફક્ત એક આંકડો જ બનીને રહી જાય છે. અમારા તરફથી ફિલ્મને 3.5 સ્ટાર્સ.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2w2TSNR