આવી ગંદી હરકત કરતા ઝડપાયા હતા શ્રદ્ધા કપૂરના પપ્પા, સલમાને કાઢી હતી ઝાટકણી

શક્તિ કપૂરે કરી ગંદી માગ

‘ક્રાઈમ માસ્ટર ગોગો’ નામથી ફેમસ અને 700થી વધુ ફિલ્મોમાં કામ કરી ચૂકેલા શક્તિ કપૂર રિયલ લાઈફમાં તે સમયે વિલન બની ગયા જ્યારે એક સ્ટિંગ ઓપરેશન દરમિયાન તેમને રંગે હાથે ઝડપી લેવામાં આવ્યા. સ્ટિંગમાં શક્તિ કપૂર યુવતીઓને ફિલ્મોમાં રોલ અપાવવાના બહાને તેમની પાસેથી ગંદી ડિમાન્ડ કરી રહ્યા હતા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સ્ટિંગ ઓપરેશનમાં ઝડપાઈ હરકત

વર્ષ 2005માં એક ન્યૂઝ ચેનલે એક સ્ટિંગ વીડિયો જાહેર કર્યો હતો. જેમાં શક્તિ કપૂર એક યુવતીને ટીવી શોમાં રોલ અપાવવાની સામે તેનો શારીરિક ફાયદો ઉઠાવવાનો પ્રયત્ન કરતાં કેમેરામાં કેદ થયા હતા. આટલું જ નહીં શક્તિ કપૂરે તે યુવતીને તેમ પણ કહ્યું કે ઈન્ડસ્ટ્રીમાં આવું જ થાય છે. આજે જેટલી પણ એક્ટ્રેસ ટોપ પર છે તેઓ આમ કરીને આગળ વધી છે.

ઈન્ડસ્ટ્રીએ કામ આપવાનું બંધ કર્યું

શક્તિ કપૂરના આ વીડિયો પર ઈન્ડસ્ટ્રીના લોકોએ પ્રતિક્રિયા આપી હતી અને તેમને ફિલ્મોમાં કામ આપવા પર પણ પ્રતિબંધ મુકી દીધો હતો. ફિલ્મ એન્ડ ટીવી પ્રોડ્યૂસર્સ ગિલ્ડ ઓફ ઈન્ડિયા તરફથી યશ ચોપરા, સુભાષ ઘઈ અને અમિત ખન્નાએ ભેગા મળી આ નિર્ણય લીધો હતો. સુભાષ ઘાઈએ કહ્યું હતું કે એક વ્યક્તિના કારણે ઈન્ડસ્ટ્રી બદનામ થાય છે.

શક્તિ કપૂરે કર્યો સ્વબચાવ

કાસ્ટિંગ કાઉચ વિવાદ પર શક્તિ કપૂરે કહ્યું હતું કે, ‘હું ફિલ્મ ઈન્ડસ્ટ્રીની માફી માગુ છું. આમાં સુભાષ ઘાઈ, પ્રીતિ ઝિન્ટા, ઐશ્વર્યા રાય અને રાની મુખર્જી પણ સામેલ છે. મને ષડયંત્રમાં ફસાવવામાં આવ્યો છે અને મારા નિવેદનને તોડી-મરોડી રજૂ કરવામાં આવ્યું છે. મારો ઉદ્દેશ કોઈનું દિલ દુખાવવાનો નહોતો’.

બિગ બોસમાં પણ કરી હતી આવી હરકત

શક્તિ કપૂરે તે સમયે પણ મુશ્કેલીઓનો સામનો કરવો પડ્યો હતો જ્યારે બિગ બોસમાં તેઓ મિસ અફઘાનિસ્તાન વિદા સમદજઈને વિવાદાસ્પદ રીતે સ્પર્શતા કેમેરામાં કેદ થયા હતા. શક્તિ કપૂર તે સમયે બિગ બોસ હાઉસમાં હતા. તેમની આ હરકતો જોઈને સલમાન ખાને પણ કહ્યું હતું કે, ‘માનવું પડે કે બિગ બોસે શક્તિ કપૂર જેવા લોકોને પોતાના ઘરમાં બોલાવ્યા, અમે તો આવાને ઘરે પણ ન બોલાવીએ’.

from Page Array – I Am Gujarat http://bit.ly/2ZWw1gw