માધુરી જેટલી જ ટેલેન્ટેડ છે તેની બહેન, લાઈમલાઈટથી રહે છે જોજનો દૂર

ટેલેન્ટેડ છે માધુરીની બહેનોઃ

માધુરી દીક્ષિત આજે પોતાનો 52મો બર્થ ડે સેલિબ્રેટ કરી રહી છે. ધક ધક ગર્લ માધુરીને આજે પણ બોલિવુડની સૌથી ખૂબસૂરત અને ટેલેન્ટેડ એક્ટ્રેસીસમાં એક માનવામાં આવે છે. ડાન્સની બાબતે તો માધુરીનો કોઈ જોડ નથી. તમને જણાવી દઈએ કે માત્ર માધુરી જ નહિ, તેમની બહેનો પણ ખૂબ જ ટેલેન્ટેડ છે પરંતુ તે લાઈમલાઈટથી દૂર રહેવાનું પસંદ કરે છે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

માધુરીના સ્ટારડમમાં ઢંકાઈ ગઈઃ

માધુરીની બે બહેનો છે- રૂપા અને ભારતી. આ સાથે તેને એક ભાઈ અજીત દીક્ષિત પણ છે. માધુરીનું સ્ટારડમ જ એટલું મોટું છે કે ક્યારેય તેમના પરિવાર તરફ કોઈનું ધ્યાન નથી ગયું.

સફળતામાં પરિવારનો ફાળોઃ

મરાઠી પરિવારમાં જન્મેલી માધરીના પિતાનું નામ શંકર દીક્ષિત અને માતાનું નામ સ્નેહલતા દીક્ષિત છે. માધુરીને બોલિવુડમાં આ ઊંચાઈ પર પહોંચાડવામાં તેના પરિવારનો પણ ઘણો મોટો ફાળો છે.

બહેનો છે સપોર્ટ સિસ્ટમઃ

માધુરી પોતે ભલે સિલ્વર સ્ક્રીન પર છવાયેલી રહે પરંતુ પરદા પાછળ માધુરીની બહેનો તેની સપોર્ટ સિસ્ટમ હતી. માધુરીની જેમ તેની બંને બહેનો પણ તાલીમ પામેલી કથક ડાન્સર છે. પરંતુ માધુરી એક્ટ્રેસ બનતા તેમણે ક્યારેય બોલિવુડમાં ટ્રાય ન કર્યો.

લાઈમલાઈટથી રહે છે દૂરઃ

માધુરીની બંને બહેન રૂપા અને ભારતી હવે સેટલ થઈ ચૂકી છે. બંને લાઈમલાઈટથી દૂર રહે છે આથી તેમના વિષે ખાસ માહિતી ઉપલબ્ધ નથી. ઘણીવાર ફોટોઝમાં ત્રણે બહેનો સાથે જોવા મળે છે. તસવીરોમાં ત્રણેયનું મજબૂત બોન્ડિંગ જોવા મળે છે.

સરળતાથી મળી સફળતાઃ

માધુરીએ બોલિવુડમાં કામ મેળવવા ખાસ સ્ટ્રગલ નહતી કરવી પડી. માધુરીએ એક ઈન્ટરવ્યુમાં જણાવ્યું હતું, “મેં ક્યારેય વિચાર્યું નહતું કે હું એક્ટ્રેસ બનીશ. મારે સ્ટ્રગલ પણ નથી કરવી પડી. ફિલ્મો સામે ચાલીને મારી પાસે આવી હતી. ગોવિંદજી નામના એક વ્યક્તિ રાજશ્રી પ્રોડક્શનમાં કામ કરતા હતા. તેની દીકરી મારી મોટી બહેનના ક્લાસમાં હતી. તેમને ખ્યાલ હતો કે હું નાટક કરુ છું અને ડાન્સ કરુ છું. રાજશ્રી પ્રોડક્શન્સ ફિલ્મ અબોધ માટે નવા ચહેરાની તલાશમાં હતા અને તેમણે મારો એપ્રોચ કર્યો. મારા પરિવારે નિર્ણય કર્યો કે હું એક ફિલ્મ કરી શકું છું. પરંતુ ધીરે ધીરે બધું બદલાઈ ગયું અને હું એક્ટ્રેસ બની ગઈ.”

from Page Array – I Am Gujarat http://bit.ly/2vYiRlF