‘યે રિશ્તા ક્યા કહેલાતા હૈ’ના આ એક્ટરને મળી બોલિવુડ ફિલ્મ

બોલિવુડમાં એન્ટ્રી કરશે રોહન મહેરા

‘યે રિશ્તા ક્યા કહેલાતા હૈ’ના હિના ખાનના દીકરાનો રોલ ભજવી પોપ્યુલર થનાર રોહન મહેરા પાસે હાલ એકથી એક ચઢીયાતા પ્રોજેક્ટ છે. થોડા દિવસ પહેલા એક્ટરના એક રોમાન્ટિક મ્યૂઝિક આલ્બમ ‘તરસે યે નૈના’એ ખૂબ ધૂમ મચાવી હતી. આલ્બમ બાદ હવે એક્ટર ફિલ્મોમાં એન્ટ્રી કરવા જઈ રહ્યો છે. આ ફિલ્મમાં તેનો રોલ ખાસ હોવાનું માનવામાં આવી રહ્યું છે. રિપોર્ટ પ્રમાણે રોહનની આ ફિલ્મ હોરર કોમેડી છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

હોરર કોમેડી ફિલ્મ

યે રિશ્તા ક્યા કહેલાતા હૈથી લઈને કેટલાક રિયાલિટી શોમાં જોવા મળેલો રોહન મહેરા આ ફિલ્મમાં હીમેન ધર્મેન્દ્ર સાથે પણ જોવા મળશે, જેને લઈને એક્ટર વધારે ખુશ છે. ફિલ્મને મનોજ શર્મા ડાયરેક્ટ કરવાના છે. મનોજ આ પહેલા ‘શર્માજી કી લગ ગઈ’ ડાયરેક્ટ કરી ચૂક્યા છે. આ હોરર કોમેડીમાં રજનીશ દુગ્ગલ અને કાયનાત અરોરા પણ છે. ત્રણેયનો પ્રણય ત્રિકોણ દર્શાવવામાં આવશે.

‘ચોકલેટ બોયના રોલમાં જોવા મળીશ’

આ ફિલ્મને લઈને રોહન મહેરાએ કહ્યું કે, ફિલ્મ ઘણી અલગ છે જે મેં હજુ સુધી કરી નથી. ‘સ્ત્રી’ જેવી જ હોરર કોમેડી છે મારી ફિલ્મ, મેં આ પ્રકારની ફિલ્મોમાં કામ કર્યું નથી જેથી હું ઉત્સાહિત છું. આ ફિલ્મમાં હું એક ચોકલેટ બોયના રોલમાં જોવા મળીશ. તેણે જણાવ્યું કે ફિલ્મમાં તેની અને કાયનાત વચ્ચે રોમાન્સ દેખાડાશે.

‘ફિલ્મને લઈને એક્સાઈટેડ છું’

રોહન મહેરાએ કહ્યું કે મારા માટે આ રોલ કરવો તે એક ચેલેન્જ છે. આ ફિલ્મમાં હોરર, કોમેડી અને રોમાન્સ એમ ત્રણેય વસ્તુ દેખાડવામાં આવશે અને એક એક્ટરને આનાથી વધારે શું જોઈએ. ફિલ્માં ધર્મેન્દ્ર પણ મહત્વની ભૂમિકામાં જોવા મળવાના છે. તેમની સાથે પહેલીવખત સ્ક્રીન શેર કરવાને લઈને ઘણો એક્સાઈટેડ છું.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat http://bit.ly/2WSSJ7D