એશિયા હેલ્થકેર હોલ્ડિંગ્સે નોવા ફર્ટિલિટીને ખરીદી

69159210

રઘુ બાલક્રિષ્નન્

મુંબઈ:TPG ગ્રોથે સ્થાપેલા હેલ્થકેર પ્લેટફોર્મ એશિયા હેલ્થકેર હોલ્ડિંગ્સ (AHH)એ નોવા IVI ફર્ટિલિટીને હસ્તગત કરી છે. કંપનીના ભારતમાં ઇનફર્ટિલિટી સેન્ટર્સનું બીજું સૌથી મોટું નેટવર્ક ધરાવે છે. ETએ સૌથી પહેલાં સપ્ટેમ્બરમાં જણાવ્યું હતું કે, AHH 10 કરોડ સોદામાં નોવા IVI ફર્ટિલિટીને ખરીદવાની તૈયારીમાં છે.

AHH વર્તમાન પ્રાઇવેટ ઇક્વિટી રોકાણકારો અને પ્રમોટર્સ પાસેથી કંપનીનો હિસ્સો ખરીદશે. પ્રમોટર્સના હિસ્સામાં સ્થાપક ડો. મહેશ રેડ્ડીનો હિસ્સો પણ સામેલ છે. ગોલ્ડમેન સેક્સ ગ્રૂપ અને ન્યૂ એન્ટરપ્રાઇઝ એસોસિયેટ્સ સંયુક્ત રીતે નોવા IVIમાં લગભગ 51 ટકા હિસ્સો ધરાવે છે. ન્યૂ યોર્કનું ફંડ GTI ગ્રૂપનો કંપનીમાં હિસ્સો લગભગ 15 ટકા છે.

બાકીનો હિસ્સો પ્રમોટર્સનો છે. AHHના એક્ઝિક્યુટિવ ચેરમેન વિશાલ બાલીએ જણાવ્યું હતું કે, “AHHના પ્લેટફોર્મમાં નોવા સારો ઉમેરો પુરવાર થશે. અમારું વિઝન મહિલા અને બાળકો માટે દેશનું સૌથી મૂલ્યવાન હેલ્થકેર ડિલિવરી નેટવર્ક બનાવવાનું છે.”

AHHના પોર્ટફોલિયોમાં સિંગલ સ્પેશિયાલિટી કેન્સર હોસ્પિટલ્સનું નેટવર્ક કેન્સર ટ્રીટમેન્ટ સર્વિસિસ ઇન્ટરનેશનલ અને બેંગલુરુની રિયા હેલ્થકેરનો સમાવેશ થાય છે. ટેમાસેકની માલિકીની શીયર્સ હેલ્થકેરે AHHનો હિસ્સો ખરીદવા કંપનીમાં ગયા વર્ષે 5 કરોડ ડોલરનું રોકાણ કર્યું હતું.

from Page Array – I Am Gujarat http://bit.ly/2VNMCUQ